АҞӘА, абҵара 19 - Sputnik. Агәабзиарахьчаразы адунеизегьтә еиҿкаара агәҽанҵара ҟанаҵоит Европа ииашамкәа антибиотикқәа COVID-19 апандемиаан рхархәара урҭ рышьцыларахь икылнагоит ҳәа. Абри атәы аҳәоит ВОЗ аҟәшақәа европатәи арегион аҿы имҩаԥыргаз аҭҵаарақәа.
"Антибиотикқәа COVID-19 еиԥшу аинфекциақәа шамхәышәтәуагьы иҟаҵаз аҭҵаарақәа иадырбеит европатәи арегион азонақәеи атәылақәа жәбеи рҿы урҭ рыхрархәара ишазҳауаз авирус змоу рхыԥхьаӡара иазҳацыԥхьаӡа", - ҳәа аҳәоит ВОЗ европатәи абиуро аҳәамҭа, аиҿкаара асаит аҿы ахашаҽны икьыԥхьыз.
Аҭҵаарақәа иаадырԥшит 96% антибиотик здызкылоз ауаа COVID-19 рымаӡамызт, аха ахәшә рыжәуан.
Ахәышәтәырҭахь инанагаз рыбжьарагьы 15% апациентцәа ракәын антибиотик зыхәҭаз, урҭ абактериалтә инфекциақәа ахьрымаз азы аха 75% ирырҭон.
Иазгәаҭоуп антибиотикқәа, цефалоспорин ацәаҳәа еиуоу рымч ыӡыр ҟалоит Европа амедусҳәарҭақәа рҟны COVID-19 апандемиаамҭаан дара рыла авирус ахәышәтәра рҽахьазыршәоз азы.
