АҞӘА, абҵара 20 - Sputnik. COVID-19 иадҳәалоу аепидемиологиатә процесс амҩаԥысшьа амассатә лаҵаҟаҵара анырра шанаҭо атәы лҳәеит Роспотребнадзор Аепидемиологиа ЦНИИ аклиникатә усуразы адиректор ихаҭыԥуаҩ Антонина Плоскирева ҳәа аанацҳауеит РИА Новости.
"Аепидемиатә процесс амҩаԥысшьа анырра ду анаҭоит ҳәа ҳазыԥшуп амассатә лаҵаҟаҵара. Ауааԥсыра реиҳараҩык алаҵа рзыҟаҵара ачымазара акыр ихнаҽыроуп", - лҳәеит Плоскирева.
Гамалеи ихьӡ зху НИЦЕМ аҟны иаԥҵаз актәи алаҵа — "Спутник V" — нанҳәамзазы ашәҟәы иҭагалан.
Жьҭаарамзазы Роспотребнадзор ацентр "Вектор" аҿы аус адуланы ашәҟәы иҭаргалеит акоронавирус зшьаҽуа аҩбатәи алаҵа "ЭпиВакКорона".
Уажәы аус адырулоит даҽа лаҵак Чумаков ихьӡ зху РАН Аиммунобиологиатә препаратқәа рыҭҵаара Ацентр аҿы.
Иара убас шәаԥхьар ҟалоит:
-
"Спутник V": COVID-19 иаҿагылоу урыстәылатәи алаҵа ҿыц иазкны
-
Авирусолог COVID-19 аҟынтә алаҵа змыхәо шыҟоу иҳәеит
