АҞӘА, абҵара 20 - Sputnik. Аџьынџьтәылатә еибашьра Ду аҟны Аиааира 75 шықәса ахыҵра ашықәс азы Москватәи акультура-усутә центр "Москва Аҩны" афинанстә цхыраара рнаҭеит Аԥсны инхо Аибашьра Ду аветеранцәеи аинвалидцәеи.
15-15 нызқь мааҭ инаӡоз аматериалтә цхыраара рыцыԥхьаӡа ирзыҟаҵан Москва ақалақь адәныҟаекономикатәи жәларбжьаратәи аимадарақәеи Рдепартамент ацхыраарала ҳәа азгәаҭан адырраҭараҿы.
Аматериалтә цхыраара зҭатәу рсиа 30-ҩык арбан. Иара шьақәыргылан Аԥсны аџьеи, аусурамазаареи, асоциалтә еиқәыршәареи рминистрреи Аԥсны иҟоу Урыстәыла Ацҳаражәҳәарҭа иҟарҵаз адыррақәа рыла.
"Москва Аҩны" ахаҭарнакцәа жәахаҩык аветеранцәа ирҭааит Аҟәа ақалақьи Аҟәеи, Гәылрыԥшьи, Гәдоуҭеи араионқәа рҿы, хаҭала аматериалтә цхыраара шо. Егьырҭ жәибыжьҩык аветеранцәа аԥарақәа рзиаган ртәанчахәытә ԥхьаӡамҭақәа рахь.
Иара убас шәаԥхьар ҟалоит:
-
Аԥснытәи аветеранцәа Аиааира амш азы аԥара рзыршәеит
-
Нанба аветеранцәа аԥара рызшәаразы: аҭагылазаашьа уадаҩ иаҿмырԥшкәа, ацхыраара рзыҟаҵан
