АҞӘА, абҵара 24 – Sputnik, Бадри Есиава. Пицундеи Цандрыԥшь аҳаблеи рҿы амҩақәа рремонт иалагоит ҳәа Sputnik иазеиҭарҳәеит ахадарақәа рнапхгаҩцәа.
Пицунда ахада Алхас Шамба ишиҳәаз ала аусурақәа етап-етапла имҩаԥгахоит, Аԥсны асоциал-економикатә ҿиараз Аинвестпрограмма аҳәаақәа ирҭагӡаны.
![Аинвестпрограмма аҳәаақәа ирҭагӡаны Пицундеи Цандрыԥшьи амҩақәа рремонт иалагоит Аинвестпрограмма аҳәаақәа ирҭагӡаны Пицундеи Цандрыԥшьи амҩақәа рремонт иалагоит - Sputnik Аҧсны](https://cdnn1.img.sputnik-abkhazia.info/img/07e4/0b/18/1031341531_0:0:1200:846_600x0_80_0_0_ea684ce86954ef80cbedf1d7b4223dd7.jpg)
"Ҳҟазауаа акаҭран ашьҭаҵара иалагеит Пицундатәи ауахәама аҿаԥхьа. Нас ақалақь иалҵуа амҩақәа ҩба ирылагараны иҟоуп. Иахьынӡаздыруа ала акаҭран ареспубликатә трасса аҟынӡа ишьҭаҵахоит, уи 12 километра иҟоуп", - иҳәеит иара.
Атәылаҿы иҟоу афинанстә ҭагылазаашьа уадаҩ иахырҟьаны асеиԥш аусурақәа ирылагап ҳәа дшақәымгәыӷуаз иҳәеит Шамба.
Аҳәынҭҿаҵа нанагӡоит "Амҩа-ргыларатә комбинат", ахылаԥшра мҩаԥнагоит ареспублика акапиталтә ргылара аусбарҭа.
![Аинвестпрограмма аҳәаақәа ирҭагӡаны Пицундеи Цандрыԥшьи амҩақәа рремонт иалагоит Аинвестпрограмма аҳәаақәа ирҭагӡаны Пицундеи Цандрыԥшьи амҩақәа рремонт иалагоит - Sputnik Аҧсны](https://cdnn1.img.sputnik-abkhazia.info/img/07e4/0b/18/1031341629_0:0:1200:863_600x0_80_0_0_ddd933863d44b811bc0c0778cc210ae4.jpg)
Аҳабла Цандрыԥшь амҩа хадагьы акаҭран ақәҵара иалагеит. Аҳабла ахада Адгур Дасаниа ишиҳәо ала жәамшҟа раԥхьа азыҟаҵаратә усурақәа ирылагеит.
"Октябрьскаиа амҩа акаҭран ықәҵахоит, аҳәааҟынтәи ихадоу амҩанӡа 9 километрак иҟоуп. Амҩа даара иԥхасҭан. Ҳара курорттә раионуп, аԥхын арахь иаауа атуристцәа рацәаҩны ҳҳабла иалсуеит",- иҳәеит иара.
Иара иҳәеит Октябрьскаиа амҩа аремонт шазыруа Аинвестпрограмма ахархәарала.
Иара убас шәаԥхьар ҟалоит:
- Гәылрыԥшь араион амҩақәа 150 миллион мааҭ рықәхарџьхоит Аинвестпрограмма ала
-
Аацытәи амҩа акаҭран ақәҵаразы аусурақәа ахыркәшарахь инеиуеит