АҞӘА, абҵара 28 - Sputnik. Амцакра ҟалеит асанаториа ПВО аҵакырадгьыл аҟны игылоу аус зымуа акинотеатр ахыбраҟны, ҳәа аанацҳауеит Аԥсны АҶА апресс-маҵзура.
Амцарцәарахь инашьҭын амцарцәаратә гәыԥқәа ԥшьбеи аиқәырхаратә гәыԥки. Амцарцәаҩцәа аҭыԥ ахь ианнеи аамҭазы акинотеатр азал хадеи асценеи амца иамҽхакны иҟан.
Амца арцәара рылшеит, алҩа ӷәӷәа шыҟазгьы. Азал зегьы блит, аха иалшеит егьырҭ ауадақәа реиқәырхара.
Иазгәаҭоуп, аӡәгьы ааха шимоуз, амцакра мзызс иамоу ашьақәыргылара иаҿуп.
Иара убас шәаԥхьар ҟалоит:
- Атәылауаҩи аиҳабыреи: Чхьеиӡе Гәдоуҭа араион абылрақәа ирызкны
