Аԥсны аҵареи абызшәатә политикеи рминистр Инал Габлиа ажьырныҳәа 12 рҟынӡа аҵаратә усҳәарҭақәа рҿы аҵаратә процесс аанкыларазы адҵа ҭижьит Аԥсны ахада атәыла ауааԥсыра COVID-19 рацәыхьчаразы иусдҵа шьаҭас иҟаҵаны. Адҵа инақәыршәаны ашколқәраҟынӡатәии абжьарапрофессионалтәи ҵараиурҭақәа налаҵаны аҵаратә процесс нкылахоит. Ашколқәеи аколлеџьқәеи рҟны аурокқәа рымҩаԥгара рабыжьгоуп абарҭ аформақәа руак рыла:Ишиашоу ицо аефир (нас иҭаҩны); заа иҭаҩу авидеоурокқәа; латәарадатәи асистема.
"Ҳара ҳраион аҟны амза 2 инаркны дистанциала аҵараҵара хацыркын. Ҳарҵаҩцәа ирацәаҩны уи рхы аладырхәит, араион аҟны аметодистцәа еиқәдыршәеит изықәныҟәаша аԥҟарақәа. Ари амчыбжь азы еиҿкааз ашколқәа рнапхгаҩцәа реиԥылараҟны алкаа ҟаҵан адистанциала иҟоу аҵаратә процесс шьақәгылеит ҳәа. Уи аиҿкаара шаҟа иҳаракыз, аамҭа ԥыҭк ианцалак еилкаахоит. Ақыҭа ашколқәа иаҳа рҭагылазаашьа шыцәгьоугьы, ҳара иҳамоуп урҭ рахьынтә иаҳагьы алҵшәа аазырԥшыз. Уи зыхҟьо ашкол анапхгареи арҵаҩцәеи заҟа гәаҳәара рыманы аус напы адыркылаз ауп. Иҟоуп ахәыҷқәа аҽалархәра зынӡа аҭагылазаашьа змам, ателқәа, акомпиутерқәа ахьрымам иахҟьаны. Уи зегьы ҳныԥшуеит, ҳәарада. Ԥхынҷкәынмза анҵәамҭазы ашықәс азбжазтәи аҳасабрба ҟаҳҵоит, уа ианаҳҵоит иҳалшаз, ҳауадаҩрақәа ртәы. Иахьазы 18 школ рҟынтәи 12 школ рҟны арҵаҩцәа 50 процент инеиҳаны дистанциала аус руеит, уи WhatsApp, Zoom аплатформақәа рыла. Насгьы аҵара аминистрра иҳаднагалеит москватәи ашколқәа рҟны рхы иадырхәо апрограммақәа", - лҳәеит Ажьиԥҳа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.
Иара убас шәаԥхьар ҟалоит:
- "Еиҭах ҩба": Аԥсны адистанциатә ҵара шымҩаԥысуа
-
Берулааԥҳа адистанциатә ҵаразы: раԥхьатәи арҵаҩы, раԥхьатәи апарта - абри ауп сыззыразу
-
Какоба: атрадициатә ҵара адистанциатә иаԥсахуеит ҳәа зыԥхьаӡо среиуам
