АҞӘА, ԥхынҷкәын 17 - Sputnik. Донбасс аполитикатә ҭышәныртәаларазы Украина амчрақәа акгьы ҟарымҵеит, асоциалтәи аекономикатәи усхк аҟны аблокада шыҟац иҟоуп, иҳәеит Владимир Путин ԥхынҷкәын 17 рзы имҩаԥигаз апресс-конференциаҿ. Абри атәы аанацҳауеит РИА Новости.
"Нормандиатәи аформат ала Париж ҳаиқәшәараан ҳаилацәажәеит аибашьра аанкылахоит ҳәа. Уи нагӡоуп. Даарагьы ишьахәуп. Иаанкылаз ауаа наҟ-ааҟ еимадоуп. Аха асоциалтәи аекономикатәи усхк аҟны аблокада шыҟац иҟоуп. Аполитикатә ҭышәныртәаларазгьы акгьы ҟаҵам", - - азгәеиҭеит Урыстәыла ахада.
Украина амчрақәа 2014 шықәса мшаԥымзазы арратә операциа хацдыркит ЛЖәР, ДЖәР рганахь ала. Арҭ аҩ-республикак Украина 2014 шықәса жәабранымзазы аҳәынҭқарратә мчра анахырҳәа ашьҭахь ахьыԥшымраз алаҳәара руит. ООН адыррақәа рыла абри аамҭа иалагӡаны иҭахахьеит 13 нызқьҩык инарзынаԥшуа ауааԥсыра.
Донбас аҭагылазаашьа аҭышәныртәалара иалацәажәоит Минсктәи аинырратә гәыԥ аиԥыларақәа раан. 2014 шықәса цәыббрамза аахыс адокументқәа хԥа шрыдыркылахьоугьы аимак аганқәа рыбжьара аамҭа-аамҭала аиҿахысрақәа мҩаԥысуеит.
