АҞӘА. ажьырныҳәа23-Sputnik. Аԥсны иҟоу Урыстәыла аладатәи арратә округ аԥшыхәҩцәа жәларбжьаратәи арратә хәмаррақәа "АрМИ-2021" рҽырзыҟарҵоит. Абри атәы аанацҳауеит Урыстәыла аладатәи арратә округ апресс-маҵзура.
Аррамаҵзурауаа ахысра азыҟаҵареи, акәылӡтәы машьынақәа рныҟәцареи рзы аҽазыҟаҵарақәа ирхысит.
Аҽазыҟаҵаратә уснагӡатәқәа раан ашьхара-бнаратә ҭыԥқәеи амшынԥшаҳәатә ҭыԥқәеи рҟны аруаа анормативқәа нарыгӡон, аҳәоит адырраҭараҿы. Аҽазыҟаҵарақәа раан атехникатә хархәагақәа – алазертә приборқәа, арадиолокациатә станциақәа, ҳаамҭазтәи ацифратә еимадаратә хахәага. Аруаа аԥкырақәа ириааиуан иааҟәымҵӡакәа имҩаԥысуаз ахысрақәа, арҭҟәацрақәа, аӡытә ԥынгылақәа, амцакрақәа рыҟазаараан.
Иара убас шәаԥхьар ҟалоит:
- Аԥсны иҟоу урыстәылатәи аруаа Амшынеиқәа аҵакыраҿы "аӷа" иракетақәа ҭадырхеит
-
Урыстәылатәи аԥшыхәцәа аԥышәарақәа арҭеит аԥснытәи ашьхарақәа рҿы
