АҞӘА, жәабран 7 - Sputnik. Аҳауагәаҭаҩцәа адырра ҟарҵоит Краснодартәи атәылаҿацә аҟны акырӡа амш шыцәгьахо, абри атәы аанацҳауеит аинформациатә портал Sochi24.
"Краснодартәи атәылаҿацә араионқәа реиҳарак рҟны ақәа, ақәабаа-сабаа, асы уҳәа ҭыԥқәак рҿы алышәшәақәа рыҽдырцәгьоит, раионқәак рҟны зынӡа иӷәӷәахоит. Ахәылбыҽха ақәабаа-сабаа леир ҟалоит, аҵаа хылар алшоит", - аҳәоит апортал аҟны.
Уахынла аҳауаԥхарра лаҟәуеит -6°С аҟынӡа, ҽынла иԥхарахоит +6°С рҟынӡа.
Аҳауагәаҭаҩцәа ишазгәарҭо ала, жәабран 7 рзы ашьыжьи ҽынлеи Шәача ақалақь ақәа леир алшоит, ҭыԥқәак рҟны аҽарцәгьоит. Ашьхараҟны асыԥса алеиразы ашәарҭара ыҟазаауеит.
Шәача ақалақьтә маҵзурақәа зегьы русура дырӷәӷәеит.
