"Аҳәырԥсарра асовет мчраан иаҳа азҿлымҳара аман, усҟан алшарақәа еиҳа еиҳазар ҟаларын, иахьа хәыҷык ҳхьасашәа ҳаҟоуп, аха усгьы, зегь акоуп, ҳацәгьам. Ажәытәтәи макьана иԥхасҭаҳтәып ҳәа ҳгәы иҭам. Аусзуҩцәа зегьы ирылшо ала аус руеит. Есышықәса ихаҳарҭәаауеит ашәҟәы, аҽыԥсахрақәа иҟалаз зегьы аҭҵаарадырратә усзуҩцәа иазгәарҭоит. Ҳара хышықәса, ԥшьышықәсаҟа раԥхьа 95 цаблыкьк кны амацәаз ршьапы иахаҵаны иауҳашьҭит. Убри ззаҳашьҭызгьы, аҵыс амиграциа иҟарҵо аилкааразоуп. Адгьылбжьарамшынтә кәуа ҳара ҳҿы ада џьаргьы иаанымхаӡеит. Ажәытәан, Шәача уҳәа иуԥылон. Уажәы Пицунда аԥсареи мысра аџьреи рҿоуп иаанханы иахьыҟоу. Иара Ашәҟәы ҟаԥшь иануп, ииаӡӡаауа ҳәа иԥхьаӡоуп. Аҳәырԥсарра ҷыдарас иамоу убри ауп, ара иҟоу ашәаԥыџьаԥ џьаргьы иҟаӡам. Пицундатәи аԥса, аҵыҵындрҵла уҳәа шәкы рҟынӡа аҵиаа ҳамоуп. Ара иҟоу ашәаԥыџьаԥ аҟара џьаргьы иҟаӡам", - ҳәа еиҭеиҳәеит Џьергьениа.
Иаҳа инеиҵыху аиҿцәажәара шәазыӡырҩыр шәылшоит аудио аҿы.
Иара убас шәаԥхьар ҟалоит:
-
Ашәҟәы ҟаԥшь иану: 55 шықәса зхыҵуа Пицунда-Мысратәи аҳәырԥсарра иаци иахьеи
