АҞӘА, жәабран 12 - Sputnik. Аԥсны атуризм аминистр Ҭеимураз Хышбеи Чечентәи Ареспублика аԥыза-министр ихаҭыԥуаҩ Хасан Хакимови Грозныи реиԥылараан иалацәажәеит аусеицура азҵаарақәа ҳәа аанацҳауеит аусбарҭа апресс-маҵзура.
Аԥсны атуризм аминистр Ҭеимураз Хышба Чечентәи Ареспубликахь днеит жәабран 11 рзы усутә визитла. Уи аҽны иара убасгьы аиԥылара рыман Хышбеи Чечентәылатәи Ареспублика атуризм азы аминистр Муслим Баитазиеви.
Хышбеи Хакимови Аԥсны аинвестициақәа ралагалара иалацәажәеит. Аминистр аинтерес иманы дазҵаауан ареспубликаҿы аинвеистициақәа рзы иаԥҵоу аҭагылазаашьақәа.
Аицәажәараҿы еиқәшаҳаҭхеит Аԥсни Чечнеи атуризм аусхк аҟны MITT аҳәаақәа ирҭагӡаны аиқәшаҳаҭра анапаҵаҩразы.
Уаанӡа, Москва, жәабран 4 рзы Ҭеимураз Хышбеи Урыстәыла атуризм азы Афедералтә маҵзура анапхгаҩы Зарина Догузовеи еиқәшаҳаҭхеит ацәыргақәҵа MITT аҳәаақәа ирҭагӡаны русеицура мҩаԥыргаларц.
Иара убас шәаԥхьар ҟалоит:
-
Хышба Санкт-Петербург иҟазаараан Аԥсны амедицинатә туризм аҿиара далацәажәеит
-
Аԥсны атуризм аминистрреи Москва атуризм азы аилаки аусеицуразы еиқәшаҳаҭхеит
-
Ҭеимураз Хышба Урыстәыла атуризм азы Афедералтә маҵзура ахада дылԥылеит
