АҞӘА, хәажәкыра 1 - Sputnik. Урыстәыла Атәылахьчара аминистрра арратә мобилтә госпиталь аҟынтәи дылырҩааит аҵыхәтәантәи COVID-19 пациент ҳәа аанацҳауеит ААР апресс-маҵзура.
Уаанӡа Урыстәыла Атәылахьчара аминистрра арратә мобилтә госпиталь аиҳабы Абдулмеджит Магомедов иҳәахьан COVID-19 змоу рхыԥхьаӡара еиҳа-еиҳа еиҵахоит ҳәа.
"Амедусзуҩцәа ауадаҩрақәа зегьы ириааины профессионалла русура мҩаԥыргеит, зыҭҵаара маҷыз аҿкыра иаиааиит", - ҳәа иҳәеит Абдулмеджит Магомедов.
Иарбоу аамҭа иалагӡаны амбулатор-консультациатә цхыраара рыҭан хнызқьи быжьшәҩык инареиҳаны Аԥсны ауааԥсыра, амбулатортә дкылара рыҭан 3,3 нызқьҩык, астационартә – 450-ҩык рҟынӡа.
Иара убасгьы агоспиталь алабораториаҿ 18 000 рҟынӡа клиникатә ҭҵаара мҩаԥган, урҭ рҟынтәи 5,3 нызқь ПЦР-тест, 2 000 рентгенограмма. Иахьазы амедусзуҩцәа аҽеизгара иаҿуп. Хара имгакәа арратә техника аилазаара иаланы есқьаангьтәи ргыларҭа ҭыԥ иазыхынҳәуеит.
Иара убас шәаԥхьар ҟалоит:
-
Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит
-
Хәышәҩык апациентцәеи, хә-нызқь ҭҵаареи: Аҟәатәи амобилтә госпиталь аусушьа
