"Марттәи ажәылараз гәыӷрақәак ҳаман. Ианвар азы иалымҵыз аиааира уажәы иалыршахап ҳәа ҳхәыцуан. Амза 15 ауха аӡы ҳарит, хар ҳамаӡамкәагьы ҳнеихьан, аха Цугуровкаҟа ицоз зыманшәаламхеит, хәыҷы-хәыҷла ҳамгьежьыр ада ԥсыхәа ҟамлеит. Аҷкәынцәа ҳацәҭахо иалагеит. Уахыки-ҽнаки аӡы нырцә ҳалахан ҳаҟан, иҟан аибашьцәа зынӡа мчыбжьыкгьы изылымҵызгьы. Аухаҵәҟьа 222-ҩык ҭахеит. Марттәи ажәыларазы "ҳаҷкәынцәа ҭаирхеит" ҳәа зҳәазгьы ыҟоуп, аха уи ҟамлазҭгьы, аиааирагьы ҟаломызт. Зегьы ҳаибашьцәазма? Аибашьраҿы зны уаҵахароуп, зны уаиааироуп. Ажәылара аибашьцәа ргәы аԥхьа иканажьзаргьы, нас иазхәыцны ԥхьаҟа ицеит, ҳара иаҳзыҟамҵаз нарыгӡеит", - ҳәа азгәеиҭеит Кархалаа.
Зураб Кархалаа Марттәи ажәылараан ӷәӷәала дхәын. Аибашьцәа иаадырԥшыз ачҳареи агәымшәареи иабзоураны уи иԥсы ҭаны аибашьра адәаҟнытә иалгара алыршахеит. Арадиоефир аҿы игәаиларшәеит урҭ ахҭысқәа ртәы.
Иаҳа инеиҵыху аиҿцәажәара шәазыӡырҩыр шәылшоит аудио аҿы.
Иара убас шәаԥхьар ҟалоит:
-
Сурманиӡе Марттәи ажәыларазы: алҵшәа ахьыҟамлаз агәкажьра ҳнамҭаӡеит
-
Ахлымӡаах иалаԥшыз: Марттәи ажәылараан иҭахаз рыԥсыбаҩ ыҵызхуаз ргәалашәарақәа
