АҞӘА, мшаԥы 7 - Sputnik. Хҩык Аԥсны атәылауаа аҳәаа закәаншьаҭада рахысраан, Егры аӡиас ианыруаз иҭахеит ҳәа аанацҳауеит Аԥсны Ашәарҭадаратә маҵзура.
Аӡы арра арҭ атәылауаа рҽазыршәеит мшаԥы 6 рзы Гал араион Таглан ақыҭа иахьаҵанакуаз. Аӡы амч ӷәӷәахеит, дара рыхҩык ҵнаԥааит, уи иахҟьаны аӡы иагеит. Мшаԥы 7 рзы иҭахаз рыԥсыбаҩқәа Жәыргьыҭ араион аҿы ирбеит.
Аԥсны Ашәарҭадаратә маҵзура адыррақәа рыла дара закәаншьаҭада аҳәаа иахысуан Аԥснынтәи Қырҭтәылаҟа инеиуа ауаа хәымш акарантин рхыргарц иахьааныркыло рҽацәхьаркырц азы.
