Ашьапылампыл азы Аԥсны ачемпионат мшаԥы 20 рзы иалагоит

CC0 / / Футбольный мяч
Футбольный мяч  - Sputnik Аҧсны, 1920, 08.04.2021
Анапаҵаҩра
Ашьапылампыл азы Аԥсны XXVIII ачемпионат иалахәхоит ареспублика акомандақәа ааба.

АҞӘА, мшаԥы 8 - Sputnik, Бадраҟ Аҩӡба. Ашьапылампыл азы Аԥсны XXVIII ачемпионат мшаԥы 20 рзы иалагоит, иҳәеит Аԥсны Аԥсны ашьапылампыл азы Афедерациа аиҳабы Ҭарашь Ҳагба Sputnik аҿы имҩаԥысыз апресс-конференциаҿ.

"Ачемпионат мшаԥы 20 инаркны абҵарамзанӡа имҩаԥыслоит. Рашәарамза актәи ахәҭаҟынӡа актәи аикәшара хҳаркәшоит, цәыббрамза инаркны аԥсшьара ашьҭахь аҩбатәи аикәшара ҳалагоит, нас – ахԥатәи", - иҳәеит иара.

Изаамҭанытәиу ачемпионат иалахәоит акомандақәа ааба: "Садӡ" – Цандрыԥшь, "Гагр – Гагра, "Афон" – Афон ҿыц, "Риҵа" – Гәдоуҭа, "Динамо"–Аҟәа, "Нарҭ" –Аҟәа, "Самырзаҟан" –Гал, "Шахтер" – Тҟәарчал.

ПК о матче Суперкубка Абхазии - Sputnik Аҧсны, 1920, 08.04.2021
"Нарҭи" "Гагреи" ашьапылампыл азы Аԥсны Ахраҿа хадазы еиндаҭлоит

"Акоманда "Шахтер" акраамҭа ачемпионат иалахәымызт. Сынтәа акоманда анапхгара, аспортеилакы аиҳабыра, ақалақь ахадара напеилаԥсала ирылшоз зегь ҟарҵеит акоманда ачемпионат иалахәхарц. Аҭыԥантәи ашьапылампыласыҩцәа маҷуп азы аҳәара ҟарҵеит егьырҭ арегионқәа рҟынтәи акомандаз ихәмарырц", - иҳәеит иара.

Ҭарашь Ҳагба иара убасгьы далацәажәеит ареспубликатә чемпионат аҟны аӡбразы аусқәа шеиҿкаау.

"Аӡбаразы апроблемақәа ахьҳамоу азы Урыстәыла ашьапылампылтә еидгылахь ацхыраара ҳаҳәеит. Аӡбаҩцәа рыбригадақәа ааҳгалоит", - иҳәеит Афедерациа ахада.

Иара убасгьы иазгәеиҭеит урыстәылатәи аӡбаҩцәа аиҳабыратә лигаҿ адагьы ахәыҷы-қәыԥштә лигаҿгьы аӡбра шымҩаԥыргало.

Ажәабжьқәа зегьы
0