Озгани Назарови аиҳабыра реилатәараҿы излацәажәоз атәы еиҭарҳәеит

© Sputnik / Бадрак Авидзба Встреча с представителями Минэкономразвития России
Встреча с представителями Минэкономразвития России - Sputnik Аҧсны, 1920, 16.04.2021
Анапаҵаҩра
НовостиTelegram
Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп 2020-2022 шықәсқәа рызтәи Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы.

АҞӘА, мшаԥы 16 - Sputnik, Бадраҟ Аҩӡба. Урыстәыла аекономикатә ҿиара аминистр ихаҭыԥуаҩ Сергеи Назарови Аԥсны аԥыза-министр ихаҭыԥуаҩ, аекономика аминистр Кристина Озгани Аминистрцәа реилазаараҿы имҩаԥгаз аилацәажәара аихшьалақәа ртәы еиҭарҳәеит мшаԥы 16 рзы.

"Ҳара Урыстәылатәи Афедерациа злахәу Аинвестициатә программа шымҩаԥысуа ҭаҳҵааит, иҟоу ауадаҩрақәеи апрограмма анагӡара аҿҳәареи ҳрызхәыцит. Уи адагьы ҳалацәажәеит Урыстәылеи Аԥсни рзакәанԥҵара асинхронизациа", - ҳәа иҳәеит иара.

Аминистрцәа реилазаараҿы излацәажәоз азҵаарақәа иреиуан аҳазалхратә закәанԥҵара аусхк.

"Ари азҵаара инҭкааны ҳалацәажәеит. Аҳәынҭқаррақәа рыҩбагьы рзакәанԥҵарақәа реишьаршәалара аусура акыр иармариоит, ауааи атауарқәеи реиҭаҵра арманшәалоит. Уи иахьазы иактуалу усуп", - ҳәа иҳәеит Назаров.

Иаҩымсит ареспублика фымцамчхарала аиқәыршәара азҵаарагьы.

Делегация представителей Минэкономразвития и Минэнерго России на встрече с Асланом Бжания  - Sputnik Аҧсны, 1920, 16.04.2021
Аслан Бжьаниа Урыстәыла аделегациа идикылеит

"Иахьазы ареспубликаҿ абри аганахьала ауадаҩрақәа ыҟоуп. Урҭ асистематә ҟазшьа рыманы иҟоуп. Ари аҭагылазаашьа аҭыԥ ақәҵаразгьы ихымԥадатәиу азакәанԥҵара еиҿкаарыла асинхронизациа азуроуп", - ҳәа азгәеиҭеит Сергеи Назаров.

Аԥсны аекономика аминистр Кристина Озган илҳәеит азҵаарақәа ирхаданы иҟоу ареспублика аенергосистема азҵаара аӡбароуп ҳәа.

"Иҟаҵатәу шыҟаҵатәу азы адырра ҳамоуп. Урыстәыла аекономикатә ҿиара аминистрреи Урыстәыла афымцамч аминистрреи ҳареи ҳҽеибаркны ҳус мҩаԥаагоит", - ҳәа лҳәеит лара.

Лара агәыӷра аалырԥшит Урыстәыла ацхыраарала зыӡбахә ҳәоу азҵаарақәа рҭыԥ ишықәҵахо азы.

Иара убас шәаԥхьар ҟалоит:

Ажәабжьқәа зегьы
0