АҞӘА, мшаԥы 21 – Sputnik. Аԥсныҟа атурқәа раахәара акыр иҳаракуп ҳәа иҳәеит апресс-конференциаҿы амаркетинг азы Level.Travel адиректор Евгени Гинзбург. Абри атәы аанацҳауеит РИА Новости.
"Аԥсныҟатәи атурқәа рҭахра 5-6 ирызҳаит ашықәс иаалагазар. Ауаа еиҳарак иалыркаауеит иаадыртуа аномертә фондқәа", - иҳәеит Гинзбург.
Адиректор еиҭеиҳәеит уаанӡа лаҵарамзатәи аԥсшьарақәа раан 50% атурқәа Ҭырқәтәыла иазырхазар, уажәы аҩныҵҟатә курортқәа роуп иззырхоу.
"Шәачаҟа атурқәа ииасыз амчыбжь азы 25 процент ихалеит, Ҟрымҟа —43 процент, Краснодартәи атәылаҿацә акурортқәа рахь хынтә еиҳахеит", - иҳәоит аексперт.
Гинзбург иазгәеиҭеит хырхарҭа ҳасабла Кипр алырхуа ишалагаз.
"Лаҵарамзазы атуроператорцәа ари атәылахь аԥыррақәа еиҳа иадырбоит. Уажәы уахь атурқәа раахәара 2019 шықәса иаҟараны иҟоуп", - иҳәоит иара.
Иара убасгьы Урыстәыла аԥсшьараз иалырхуеит Мальдивы, Сеишелы, Сербиа. Сербиаҟа аӡынразы ашьхашәҩатә курортқәа рахь ицон, уажәы—спа-курортқәа рахь.
Иара убас шәаԥхьар ҟалоит:
- Ахацәа компаниала аԥсшьаразы иалырхуа аҭыԥқәа иреиуоуп Гаграгьы
-
Урыстәылаа ҭаацәала ахәыҷқәа рыцны аԥсшьара ахьеиӷьаршьо иреиуоуп Гагра
-
Гагра машьынала иныҟәо атуристцәа еиҳа иалыркаауа аҭыԥқәа ирылахәуп
