2021 шықәса актәи аԥшьбаразы Аԥсны иит 300-ҩык инареиҳаны ахәыҷқәа

CC0 / / Младенец
Младенец  - Sputnik Аҧсны, 1920, 22.04.2021
Анапаҵаҩра
Yandex newsTelegram
Аԥсны агәабзиарахьчара аминистрра адыррақәа рыла 2020 шықәсазы ареспубликаҿ иит 1463 хәыҷы.

АҞӘА, мшаԥы 22 - Sputnik. 307-ҩык ахәыҷқәа иит 2021 шықәса актәи аԥшьбаразы Аԥсны, абас аҩуеит амаҵзура "Аԥсныпресс" Агәабзиарахьчара аминистрра адыррақәа ҵаҵӷәыс иҟаҵаны.

Аусбарҭа адыррақәа рыла ииз рахьынтәи 157-ҩык ӡӷабцәоуп, 151-ҩык ҷкәынцәоуп. Аӡәы лыԥсҭазаара далҵит.

200 хәыҷы аԥсуа милаҭ иатәуп, 18-ҩык - урысқәоуп, 35-ҩык - ерманцәоуп, 41-ҩык - қырҭцәоуп, 14 – ҩык егьырҭ амилаҭқәа иреиуоуп.

2020 шықәса абри аамҭазы иит 282-ҩык, ииз рахьынтәи 133-ҩык ӡӷабцәоуп, 148-ҩык ҷкәынцәоуп. Хҩык рыԥсҭазаара иалҵит.

Урҭ рҟынтәи 175 хәыҷы аԥсуа милаҭ иатәуп, 27-ҩык - урысқәоуп, 29-ҩык - ерманцәоуп, 39-ҩык - қырҭцәоуп, 11 – ҩык егьырҭ амилаҭқәа иреиуоуп.

Ажәабжьқәа зегьы
0