АҞӘА, мшаԥы 25 – Sputnik. 1993 шықәса рзы ииз ахаҵа 30 метра иҟаз аԥаҩ даҿҟьеит, Аҟәа араион Аҩада Ешыра ақыҭан, абри атәы аанацҳауеит Аԥсны АҶА апресс-маҵзура.
Иазгәаҭоуп, амашәыр шыҟалаз Уаз-Абаа аҵакыраҿы.
Ахҭыс ахьыҟалаз аҭыԥахь хара имгакәа идәықәҵан ашьха-аиқәырхаратә гәыԥи, Аԥсны АҶА амедицинатә усбарҭа аусзуҩцәеи.
Ааха зауз ахаҵа раԥхьатәи амедицинатә цхыраара иҭан. Иара асакасала дылбааргеит ареспубликатә мҩаду аҟынӡа, анаҩсан Ареспубликатә хәышәтәырҭахь днаргеит.
Амашәыр зыхҟьаз ҳәа акгьы азгәаҭам.
