АҞӘА, мшаԥы 27 – Sputnik, Асмаҭ Ҵәыџьԥҳа. Афотоеиндаҭлара "Абхазия в фокусе" аихшьаалақәа рыла афотосахьақәа рцәыргақәҵа аатуеит Ацәыргақәҵатә зал аҿы лаҵара 4 рзы ҳәа Sputnik иазеиҭалҳәеит аиҿкааҩцәа ируаӡәку, Очамчыра араион ахадара аҿари аспорти рыҟәша аиҳабы Фаина Кондратиева.
Лара лажәақәа рыла ажиури ахәаԥшырц шәиҩажәаҩык рҟынтәи зықь усумҭа нашьҭын. Ацәыргақәҵазы иалкаан 76 фотосахьа аноминациақәа: "Ажәабжьқәа", "Есҽнытәи аԥсҭазаара", "Иааҳакәыршаны иҟоу аԥсабара", "Ҳаамҭазтәи ауаҩы ипортреҭ" рыла.
Аноминациа "Ҳаамҭазтәи ауаҩы ипортреҭ" аҟны аиааира лгеит ажурналист, афотоҭыхыҩ Елиа Ҵышәԥҳа, аноминациа "Ажәабжьқәа" аҿы – афотоҭыхыҩ Ельза Чанԥҳа, аноминациа "Иааҳакәыршаны иҟоу аԥсабара" аҟны ателеканал АбазаТВ аоператор Едуард Ежов, аноминациа "Есҽнытәи аԥсҭазаара" аҟны – авидеооператор Давид Чакобелиа, аноминациа "Амобилтә фотосахьа" аҟны– Анатоли Качалов.
Аиндаҭлара гран-при зауз ихьӡ ацәыргақәҵа аартраан ирылаҳәахоит, ианашьахоит 30 000 мааҭ.
Ажиури иалахәуп: афоторепортиор Павел Волков, афотоҭыхыҩ Сергеи Лидов, арежиссер Инар Нарманиа, афотожурналист Амина Џьонуаԥҳа, франциатәи афотоҭыхыҩ Тьерри Кергроак.
Актәи аиндаҭлара мҩаԥган 2019 шықәсазы.
"Уи аахыс алахәылацәа разыҟаҵара акыр иҳаракхеит, аусумҭақәа акырџьара еиӷьуп. Аиндаҭлара иалахәуп Аԥсны атәылауаа. Урҭ иахьа Аԥсны шырбо ауп иаадырԥшуа", - лҳәеит аидеиа автор.
Кондратиева иазгәалҭеит ацәыргақәҵаҿ иҟоу аусумҭақәа зегьы Очамчыра ақалақь ҳамҭас ишаҭахо.
Аиҿкааҩцәа ирыгәҭакуп Аиааира амш азы "Иахьа зыԥсы ҭоу аветеранцәа" захьӡу ацәыргақәҵа аиҿкаара. Уи азы иаарышьҭхьеит зқьы-усумҭа.
Иара убас шәаԥхьар ҟалоит:
-
Саида Ҳаџьым афотопроект аҿы аиааира згаз лусумҭазы: аԥсуа иҭеиҭыԥш аныԥшуеит
-
Қаԥшь афотопроект "Аԥсны афокус аҿы" иусумҭа ахьалыркааз: сазыԥшӡамызт
