АҞӘА, лаҵара 5– Sputnik, Бадраҟ Аҩӡба. Амахҽ хәыҷқәа ҩба Гәдоуҭа араион Аацы ақыҭантәи сафари-парк "Праид" аҿы инхоит ҳәа Sputnik иазеиҭалҳәеит апарк администратор Нина Арутиуниан.
"Хара имгакәа Урыстәыла аԥстәқәа ацирк ахь рнеира азин ҟалом, убри азы Владикавказтәи ҳҩызцәа иҳадыргалеит амахҽқәа ҩба", - лҳәеит лара.
Ромеои Џьульеттеи: Аацытәи сафари-парк аҿы амахҽ хәыҷқәа ҩба рааӡоит
© Foto / Нина Арутюнян
Дара макьана имаҷуп, шықәсыки бжаки роуп ирхыҵуа, Ромеои Џьульеттеи ҳәа хьӡыс ирыҭоуп.
"Аҳаскьын, аҭәа, ауҭраҭых, ашәыр, ача рфоит. Ҩнтәы ԥстәқәоуп. Дара уажәы рхәыжә рыԥсахуеит, ирыгушәа иубоит", - лҳәоит Нина Арутиуниан.
Амахҽқәа ҩымчыбжь раԥхьа иааргеит. Дара уажәы аволиерқәа рҿы ауасақәа ирыцҭакуп ҳәа лҳәеит сафари-парк администратор.
Sputnik аинтервиу аҭо сафари-парк "Праид" ашьаҭаркыҩ Олег Кононов иҳәеит апроект Аԥсны еиҿкаауп зыԥшәмацәа мап зцәыркыз аԥстәқәа рыдкыларази ацирк аҿы ирзымбжьаз рзи.
