Урыстәыла Ацҳаражәҳәарҭа гагратәи аконсултә пункт аҿы атәылауаҩшәҟәқәа рырҭоит

© Sputnik / Томас ТхайцукПаспорт Российской Федерации
Паспорт Российской Федерации  - Sputnik Аҧсны, 1920, 16.05.2021
Анапаҵаҩра
Гагратәи аконсултә пункт, ишаԥу еиԥш, акурорттә сезон азы аусура иалагоит, уи аӡынреи ааԥынреи аус ауӡом.

АҞӘА, лаҵара 16 - Sputnik. Имазеиу хәышықәсатәии жәашықәсатәии урыстәылатәи аҳәаанырцәтә тәылауаҩшәҟә ҿыцқәа изтәу ирырҭалоит лаҵара 21 рзы Урыстәыла Ацҳаражәҳәарҭа Гагратәи аконсултә пункт аҿы. Абри атәы аанацҳауеит Аԥсны иҟоу Урыстәыла Ацҳаражәҳәарҭа Facebook аҿтәи адаҟьаҿы.

Аконсултә пункт аус ауеит Гагра араионтә милициа аҟәша ахьыҟоу ахыбра аҩбатәи аихагылаҿы.

Атәылауаҩшәҟәқәа рырҭалоит асааҭ 10:00 инаркны 18:00 рҟынӡа.

Аконсулраҿы ауаа даҽазнык иргәаладыршәоит, адокумент ҿыц аиуразы зыҿҳәара мцац аҳәаанырцтә тәылауаҩшәҟәы шдырбатәу.

Гагратәи аконсултә пункт еиҿкаан Урыстәылеи Аԥсни рыдәныҟатәи аусқәа рминистрцәа 2009 шықәса жьҭаарамзазы Аҟәа Сергеи Лавров данааз амшқәа раан ҿырҳәала ирыбжьарҵаз аиқәшаҳаҭра инақәыршәаны. Ари апункт аадыртит 2010 шықәсазы, уи аахижьҭеи иара аус ауеит акурорттә сезон иалагӡаны, аӡынреи ааԥынреи иаркуп.

Ацҳаражәҳәарҭа иатәу аконсултә ҟәша адҵа хадақәа иреиуоуп аҳәаанырцәтә тәылауаҩшәҟәқәа рыҭареи рыԥсахреи, иара убас ауадаҩрақәа зызцәырҵыз урыстәылатәи атуристцәа рыцхраареи.

Ажәабжьқәа зегьы
0