"Ахәыҷқәеи сареи ҳаидҳәалоуп, сымш ииреи дара рымши иақәшәеит, ҩбагьы – ахәыҷқәа ирызку ажәабжьқәеи ажәеинраалақәеи саныҷкәыныз аахыс исыҩуеит, акырынтә ажурналқәа ирнылахьеит, ишәҟәныгьы иҭыҵхьеит. Схәыҷра сышәҟәыҩҩра зегьы иагәылганы иаазгоит. Иахьагьы аԥсуа театр аҿы ахәыҷқәа рзы ажәеинралаақәа срыԥхьоит. Аҩра салагеит ԥшь-класск рҿы сантәаз, афбатәи акласс аҿы саннеи, агазеҭ "Аԥсны ҟаԥшь" раԥхьатәи сажәеинраала анылеит, нас, ажәбатәи аҿы саннеи ажурнал "Алашара", "Амцабз" уҳәа сажәеинралаақәа ркьыԥхьра иалагеит", - еиҭеиҳәеит Лагәлаа.
Аиубилиар иҳәеит аԥсуа лирика иахьа 30-тәи 40-тәи ашықәсқәа раан ишыҟаз еиԥш акәымкәа аҳәаақәа ишырҭыҵыз, адунеитә ҳәаақәа рахь ишыиасыз.
Иаҳа инеиҵыху аиҿцәажәара шәызыӡырҩыр шәылшоит аудио аҿы.
Иара убас шәаԥхьар ҟалоит:
- Абзиабаратә лирика аԥыжәара азҭо апоет: Анатоли Лагәлаа 60 шықәса ихыҵит
-
Аԥҳазоу: Лагәлаа иҩымҭақәа рбызшәа цқьоуп, ахәыҷқәа ирзааигәоуп
