АҞӘА, рашәара 3 - Sputnik. Шьамтәылатәи Арабтә Республика ахада Башар Асад COVID-19 иаҿагылоу урыстәылатәи алаҵа "Спутник V" ҟаиҵеит ҳәа аанацҳауеит РИА Новости. Абри атәы иҳәеит Урыстәыла иҟоу Шьамтәыла ацҳаражәҳәаҩ Рииад Хаддад Санкт-Петербург имҩаԥысуа жәларбжьаратәи афорум аҿы.
"Ааи, алаҵа ҟаиҵеит", - ҳәа ажурналистцәа рҭак ҟаиҵеит ацҳаражәҳәаҩ.
Иара еиҭеиҳәеит Шьамтәыла уажәы ишымҩаԥысуа акоронавирустә инфекциаҟынтә алаҵа "Спутник V" аҟаҵара.
Петербургтәи жәларбжьаратәи аекономикатә форум мҩаԥысуеит рашәара 2-5 рзы латәаратәи аформат ала.
