Урыстәылатәи аррамаҵзурауааи Аԥсны АҶА амцарцәаҩцәеи амцарцәаратә ҽазыҟаҵара мҩаԥыргеит

© Sputnik / Александр Кожохин / Афотобанк ахь аиасраТактико-специальные учения МЧС РФ в Московской области
Тактико-специальные учения МЧС РФ в Московской области - Sputnik Аҧсны, 1920, 04.06.2021
Анапаҵаҩра
Yandex newsTelegram
Аԥсны иҟоу Урыстәыла арратә базаҿ аԥхынтәи амцакрашәарҭаратә аамҭа аҽазыҟаҵара аҳәаақәа ирҭагӡаны ауснагӡатә мҩаԥган.

АҞӘА, рашәара 4 - Sputnik. Аԥсны иҟоу Урыстәыла арратә базаҿ абаза аррамаҵзурауааи Аԥсны АҶА амцарцәаҩцәеи амца арцәаразы аҽазыҟаҵарақәа мҩаԥыргеит. Абри атәы аанацҳауеит аокруг апресс-маҵзура.

Аладатәи арратә округ абаза амцарцәаратә команда аррамаҵзурауааи Аԥсны аиқәырхаратә усбарҭа аусзуҩцәеи абылтәы-хәшатә материалқәа рыҵәахырҭаҿ "амца" арцәара аус мҩаԥыргеит. Аҽазыҟаҵарақәа ирылархәын 50-ҩык аруаа, ахархәара аҭан ҳаамҭазтәи атехника, амцарцәагатә машьынақәа АЦ-6-40.

Уи адагьы абаза аррамаҵзурауаа арҵаратә полигонқәеи урҭ ирыԥну аҵакырақәеи рҿы амца зкыр зылшо ашьацҩа, аҵла, ачықь ҩарақәа уҳәа рҟынтәи идрыцқьеит, идырҿыцит амцарцәараҿагыларатә цәаҳәақәа.

Абри ашьҭахь амцакра ҟалар ашәарҭадара ақәныҟәашьаз аилыркааратә абжьгарақәа мҩаԥыргеит.

Ажәабжьқәа зегьы
0