Бжьаниа иҳәеит Аԥсны акриптовалиута аргама арҳаразы иҟоу аԥхьаҟатәи аԥеиԥш

© Sputnik / Владимир Астапкович / Амедиаҵәахырҭахь аиасраСтеллажи с фермами для майнинга криптовалют.
Стеллажи с фермами для майнинга криптовалют. - Sputnik Аҧсны, 1920, 05.06.2021
Анапаҵаҩра
НовостиTelegram
Аԥсны акриптовалиута арҳареи уи азы ахархәагақәа ралагалареи рзин аанкылоуп 2022 шықәса хәажәкыра 31 рҟынӡа.

АҞӘА, рашәара 5 – Sputnik. Аԥсны аҳәынҭқарра ахада Аслан Бжьаниа иҳәеит алшара ҟалар шалшо Аԥсны акриптовалиута аргама арҳара Урыстәылантәи иаауа афымцалашара ахархәарала, абри атәы аанацҳауеит Аԥсныпресс.

Майнинг-ферма на территории технополиса Москва - Sputnik Аҧсны, 1920, 01.06.2021
Аԥсны закәаншьаҭада аус зуаз 23 маининг-шьақәгыла русура аанкылоуп

Афымцамч закәаншьаҭада ахархәареи амаининг-фермақәа раҿыхреи рызҵаарақәа иазааҭгылан Аслан Бжьаниа Аԥсны ақалақьқәеи араионқәеи рхадацәа алархәны имҩаԥигаз аилатәараҿы.

"Ари абизнес амҩаԥгаразы алшара ыҟоуп, Урыстәыла афымцалашара ахархәарала. Уажәтәила Урыстәыла азыхиоуп афымцалашаразы атарифқәа раашьҭра. Афымца аихшаразы алшара рымоуп. Уи ахь ҳазнеир алшоит, аха аамҭа аҭахуп", - иҳәеит атәыла ахада.

Аԥсны акриптовалиута арҳареи уи азы ахархәагақәа ралагалареи рзин аанкылоуп 2022 шықәса хәажәкыра 31 рҟынӡа. Аӡбара рыдкылан Аԥсны афымцаенергетикатә ресурсқәа рхархәара аҭышәныртәаларазы, афымцамч адефицит азгәаҭаны, аҳақәа реидара авариақәа рахь ишкылнаго иазхьаԥшны.

Ажәабжьқәа зегьы
0