"Амшынеиқәафымцамч" аҟны авариа зыхҟьаз амзыз ҳәа агәаанагара ззыҟоу атәы рҳәеит

CC0 / / Электрическая лампочка
Электрическая лампочка - Sputnik Аҧсны, 1920, 14.06.2021
Анапаҵаҩра
Рашәара 14 асааҭ 13.00 азы ЕгрыГЕС агенераторқәа аангылеит, уи иахҟьаны фымцалашарада иаанханы иҟан Гал, Очамчира, Гәылрыԥшь араионқәа, иара убас Аҟәеи Гагреи араионқәа рыхәҭақәа.

АҞӘА, рашәара 14 – Sputnik. ЕгрыГЕС асистематә авариа ахҟьаԥҟьақәа аԥыххеит асааҭ 14.36 рзы ҳәа аҳәамҭа ҟанаҵоит АУН «Амшынеиқәафымцамч" Facebook аҿтәи адаҟьаҿы.

Аусбарҭа адыррала агенераторқәа зырцәо авариатә система аус ауит.

Ингур ГЭС  - Sputnik Аҧсны, 1920, 14.06.2021
ЕгрыГЕС иҟалаз авариа иахҟьаны Аԥсны ахәҭак лашарада иаанхеит

"Ари еиуеиԥшым амзызқәа амоуп. Иаҳҳәап асистемаҿ афымцамчхара ашьҭыҵра", - рҳәоит апресс-маҵзураҿы.

Уажәазы ареспубликаҿ зехьынџьара афымцалашара нашьҭуп.
ЕгрыГЕС аремонт азы иаанкылан ажьырныҳәа 20 рзы. Планла аусурақәа хыркәшахар акәын мшаԥы 30 лаҵара 1 руыха, аха аамҭа иаԥыганы аремонттә усурақәа нагӡаны аусура еиҭахацнаркит мшаԥы 26 азы ҳәа уаанӡа Sputnik иазааицҳаит ГЕС анапхгара ахантәаҩы Леван Мебониа.

ЕгрыГЕС заҵәык Ауп Аԥсны аҵакыра зегьы фымцалашарала еиқәзыршәо. Иара ахархәарахь ирыҭан 1978 шықәса рзы. Агидроагрегатқәа Аԥсны аҵакыраҿ игылоуп, аӡеизакырҭа – Қырҭтәыла. Астанциа ашықәсбжьаратә фымцамч аужьра х-миллиардки 700 миллион киловатт ыҟоуп сааҭк ала.

Ажәабжьқәа зегьы
0