Асахьаҭыхыҩ Аԥшьа Ҳагԥҳа лусумҭақәа рцәыргақәҵа мҩаԥысуеит Аҟәа

© Sputnik / Томас ТхайцукВыставочный зал
Выставочный зал  - Sputnik Аҧсны, 1920, 18.06.2021
Анапаҵаҩра
Аԥсуа сахьаҭыхыҩ Аԥшьа Ҳагԥҳа 82 графикатә усумҭа ацәыргақәҵахь иналгеит. Ацәыргақәҵа аус ауеит рашәара 21 - 30 асааҭ 10:00 - 19:00 рзы, ԥсшьарамшыда.

АҞӘА, рашәара 18 – Sputnik, Бадраҟ Аҩӡба. Аԥсны асахьаҭыхыҩцәа Реидгыла алахәыла Аԥшьа Ҳагԥҳа лцәыргақәҵа "Аизҳара" ("Движение"-аред.) аатуеит рашәара 21 азы Ацәыргақәҵатә зал хадаҿы.

Ацәыргақәҵахь инагоуп аҵыхәтәантәи ашықәс "локдаун" аамҭазы иҭыхыз 82 графикатә стильла иҭыху аусумҭақәа.

"Аамҭа ыҟан аексперементқәа рымҩаԥгаразы, аҽԥышәаразы. Иахьазы исымоу аусумҭақәа ахь иаразнакы сзымнеизаргьы аҽԥышәаратә материал аиура алсыршеит", - лҳәоит асахьаҭыхыҩ.

2020 шықәсазы Аԥшьа Ҳагԥҳа иаԥылҵеит аусумҭақәа рсериа "Аизҳара". Уи ауп ацәыргақәҵагьы хьыӡны иаиуыз.

"Аусумҭақәа аамҭала ҩеижәатәии ҩеижәиктәии аамҭахҵәахақәа аҵанакит. Уи иаанаго ԥхьаҟацароуп, еизҳароуп ҳәа сгәыӷуеит. Аҿиара ҩныҵҟатә ԥсахроуп", - лҳәоит Аԥшьа Ҳагԥҳа.

Аҿыханҵа знапы алаку асахьаҭыхыҩ аграфика лхы иалырхәо далагеит аҵыхәтәантәи ашықәс азы.

© Foto / instagram / apshakhagbaАԥшьа Ҳагԥҳа лусумҭақәа
Аԥшьа Ҳагԥҳа лусумҭақәа - Sputnik Аҧсны
1/4
Аԥшьа Ҳагԥҳа лусумҭақәа
© Foto / instagram / apshakhagbaАԥшьа Ҳагԥҳа лусумҭақәа
Аԥшьа Ҳагԥҳа лусумҭақәа - Sputnik Аҧсны
2/4
Аԥшьа Ҳагԥҳа лусумҭақәа
© Foto / instagram / apshakhagbaАԥшьа Ҳагԥҳа лусумҭақәа
Аԥшьа Ҳагԥҳа лусумҭақәа - Sputnik Аҧсны
3/4
Аԥшьа Ҳагԥҳа лусумҭақәа
© Foto / instagram / apshakhagbaАԥшьа Ҳагԥҳа лусумҭақәа
Аԥшьа Ҳагԥҳа лусумҭақәа - Sputnik Аҧсны
4/4
Аԥшьа Ҳагԥҳа лусумҭақәа
1/4
Аԥшьа Ҳагԥҳа лусумҭақәа
2/4
Аԥшьа Ҳагԥҳа лусумҭақәа
3/4
Аԥшьа Ҳагԥҳа лусумҭақәа
4/4
Аԥшьа Ҳагԥҳа лусумҭақәа

 

"Аҿыханҵа зны-зынла иабстракттәуп, аха аиҳарак експрессивтәуп. Сыграфикагьы астандарттә ҟазшьа аҳәаа иҭыҵуеит. Атушьгьы ашәыгақәа реиԥш схы иасырхәоит. Ҩба-хԥа ԥшшәхәы еиласҵоит. Сусумҭақәагьы аҿыханҵа еиԥшхоит", - лҳәоит Ҳагԥҳа.

Аԥшьа Ҳагԥҳа асахьаҭыхра заа дшалагазгьы дсахьаҭыхыҩхарц лгәы иҭамызт.

"Ссахьаҭыхыҩхап ҳәа сыҟамызт. 30 шықәса раԥхьа иахьа сызҿу бнапы алабкуеит ҳәа сарҳәар агәра згарымызт. Аамҭақәак рзы зынӡа саҟәыҵны сыҟан. Азиндырратә ҵара соуит", - лҳәоит лара.

Аамҭақәак рышьҭахь асахьаҭыхра дазыхынҳәит. Аҟәатәи асахьаҭыхратә ҵараиурҭа далгеит, Аԥсны асахьаҭыхыҩцәа Реидгылеи "SKLAD" аҭыԥ аҟны еиҿыркаауаз ацәыргақәҵақәа дрылахәын.

Ацәыргақәҵа аус ауеит рашәара 21 - 30 асааҭ 10:00 - 19:00 рзы, ԥсшьарамшыда.

Ажәабжьқәа зегьы
0