Раионк аԥсҭазаараҟынтә: Гагра азбжак ӡыла ишеиқәдыршәо атәы
"Асовет аамҭа аахыижьҭеи аӡыканал "Репруа - 1", "Репруа - 2" ҳәа иҟоуп. Уаантәи аӡы аарышьҭуеит, иахьа иаауагьы иароуп. Аӡы ацәаҳәа аауеит х-нызқь кубометра иҟоу аӡеизакырҭаҟынтә. Уи аӡы аҽны инаркны хәылбыҽханӡа иҭалоит, ахәылбыҽха асааҭ 7 рзы аӡы ауҳажьуеит. Аӡы неиуеит ақалақь азбжаки амикрораион "Кемпинг" ҳәа изышьҭоуи рахь. Убас иҟоуп иара ҩ-метрак рҟынӡа аӡы ҭалар, ҩ-сааҭк ироуеит ашьыжь, ахәылбыҽхагьы убас. Аӡын аӡеизакырҭа хәыҷык еиҳаны аӡы ҭалоит. Уи азы ауп аӡы шьыжьи хәылбаҽхеи ҩба-ҩба сааҭ изроуа. Уи аграфик ҳара иаҳзыԥсахӡом, ажәытә ишыҟаз еиԥш иаауеит", - иҳәеит Агрба.
Инарҭбаау аиҿцәажәара шәаҳар шәылшоит аудиофаил аҟны.
