АҞӘА, ԥхынгәы 17 - Sputnik. Урыстәыла аԥыза-министр Михаил Мишустин агәабзиарахьчара аминистрра анапы ианиҵеит акоронавирус хызҽуа алаҵақәа шаҟа аанхаз ашәҟәы иҭаргаларц. Уи иацхраауеит иаанхаз азы иҟоу аинформациа ариашареи, аҭаҵәах аиҿкаареи, абри атәы аҩуеит РИА Новости, аиҳабыра рпресс-маҵзура ажәақәа шьаҭас иганы.
Иазгәаҭоуп, алаҵазы азыҳәа ахьырацәоу иахҟьаны атәылаҿацәқәа рахь анашьҭразы аиҵахарақәа шыҟаз.
Аҳасабырба еиқәыршәатәуп ԥхынгәы 21 аҟынӡа.
Акоординациатә хеилак аилатәараҿы Михаил Мишустин иҳәеит, атәылаҿы аепидҭагылазаашьа уадаҩуп ҳәа.
Иазгәеиҭеит, аиҵахара ҟамларц аиара-ҭыԥқәеи, ахыхьчагатә маҭәахәқәеи, ахәшәқәеи рыла аҭаҵәах еиҿкаатәуп ҳәа.
Аԥсны ахада Аслан Бжьаниа иҳәеит ԥхынгәы анҵәамҭазы - нанҳәа алагамҭазы Аԥсныҟа акоронавирус аҟынтәи урыстәылатәи алаҵа даҽа партиак аарышьҭуеит ҳәа ишазыԥшу. Уи иаахәахоит Адыгеиатәи Ареспублика уаанӡатәи ахада, амеценат Ҳазреҭ Совмен Аԥсныҟа ацхырааразы иааишьҭыз аԥарақәа рыбжала.
