АҞӘА, ԥхынгәы 27 - Sputnik. Амилаҭтә ԥарашәаратә система "АԤРА" азеиԥш операциақәа рхышәаҵышәа 10,5 миллиард мааҭ еиҳахеит ашықәс актәи азыбжазы ҳәа аанацҳауеит Аԥсны Абанк асаит.
Аҳәаанырцә ԥарашәаратә системақәа рыхсаалагақәа ишьақәдыргылеит 42%, "АԤРА" – 48%, МИР – 10%.
Урыстәылатәи абанктә хсаалагақәа рыла аоперациақәа рзеиԥш хышәаҵышәа 5,5 миллиард мааҭ ыҟоуп. Уи аҟынтәи миллиардк рҟынӡа абанктә хсаалага "Мир" ала имҩаԥган.
Ашықәсбжатә еихшьаалақәа рыла атәыла ахәаахәҭра-маҵзуратә наплакқәа рҿы ахсаалагақәа рыла ишәан 2,17 миллиард мааҭ. Есыҽны Аԥсны ауааԥсыра раахәамҭақәа ахә рхыршәаауан "АԤРА" ала.
2021 шықәса алагамҭа инаркны Аԥсны иқәыргылоуп 438 POS-терминал, ареспублика аҵакыраҿы атауарқәеи амаҵзурақәеи абанктә хсаалагақәа рыла ахә рыхшәаара алзыршо.
Иааидкыланы ареспубликаҿы 3000 терминал-шьақәгыла ыҟоуп.
