АҞӘА, ԥхынгәы 31 - Sputnik. Шәачаҟа ԥсшьара ҳәа иааз атуристцәа аԥсшьарҭа ҩны ианыҩналалак ашьҭахь хымш ирылагӡаны ачымазараҿкы хызҽуа алаҵа ҟазымҵаз хаҭалатәи аҭакԥхықәра рыдлоит, ахараԥса ддыршәоит, абри атәы аҩуеит РИА Новости Шәача ахадара акурортқәеи атуризми рдепартамент адиректор Светлана Батиаикина.
Нанҳәа 1 инаркны асасцәа рыдыркылалоит аԥҟара ҿыцқәа рыла, уи инақәыршәаны Краснодартәи атәылаҿацә аотельқәеи асасааирҭақәеи рахь анеиразы иаҭахуп иҵоурам ПЦР-тест, ма алаҵа шыҟаҵоу азы адокумент, ма ԥсшьара ианааиз инаркны хымш ирылагӡаны алаҵа ҟарҵароуп.
"Аԥҟара аилагаразы ахараԥса иартәоит 30 нызқь мааҭ. Асасцәа аԥҟарақәа деилыркаауп. Хымш ирылагӡаны алаҵаҟаҵара иахысроуп", - лҳәеит Батиаикина.
Лара иазгәалҭеит, алаҵа ҟазымҵаз асасааирҭақәа ишдәылрымцо, алаҵа шрымоу аршаҳаҭга аарԥшра аӡәгьы ишрыдрымцало, аха акоронавирус ӡәыр идырбалар аепидемиологиатә ҭҵаара мҩаԥгахоит, ахараԥса рықәҵахоит.
Алаҵа ҟарҵаӡом 15 шықәса зхымҵыци 15 шықәса инаркны 18 шықәса зхыҵуеи ахәыҷқәа.
