https://sputnik-abkhazia.info/20210805/Asni-Venesuelei-rdiplomattsa-vizada-reianeiaairaz-aishaara-adnakyleit-1032982519.html
Аԥсни Венесуелеи рдипломатцәа визада реиҭанеиааираз аиқәшаҳаҭра рыдыркылеит
Аԥсни Венесуелеи рдипломатцәа визада реиҭанеиааираз аиқәшаҳаҭра рыдыркылеит
Sputnik Аҧсны
Боливариантәи Ареспублика Венесуела Аԥсны ахьыԥшымра азханаҵеит цәыббра 10 2009 шықәсазы. 05.08.2021, Sputnik Аҧсны
2021-08-05T19:50+0300
2021-08-05T19:50+0300
2021-08-05T19:50+0300
аԥсны
ажәабжьқәа
https://cdnn1.img.sputnik-abkhazia.info/img/07e5/05/1d/1032519022_0:135:2601:1598_1920x0_80_0_0_d3f38bdd2a2c6db7da8bf64e030121a9.jpg
АҞӘА, нанҳәа 5 – Sputnik, Бадри Есиава. Аминистрцәа реилазаара Аԥсни Венесуелеи рдипломатцәа визада реиҭанеиааираз аиқәшаҳаҭра аднакылеит нанҳәа 5 азы имҩаԥысуаз аилацәажәараҿы."Ишәыдаагалоит ақәҵара "Боливариантәи Ареспублика Венесуелеи Аԥсны Аҳәынҭқарреи реиҳабырақәа рыбжьара адипломатиатәии амаҵзуратәии апаспортқәа змоу ахаҿқәа рзы авиза аҭахра аԥыхразы" апроект. Ари ақәҵара адгылара ашәҭарц сшәыҳәоит. Иара иалнаршоит визада 90 мшы атәылақәа рҵакыраҿы адипломатиатәии амаҵзуратәии паспортқәа змоу ахаҿқәа рыҟазаара", - иҳәеит Адәныҟатәи аусқәа рминистр Даур Ақаҩба.Венесуела Аԥсни Аахыҵ Уаԥстәылеи рхьыԥшымра азханаҵеит цәыббра 10 2009 шықәса рзы Венесуела ахада Уго Чавес Москва иҟазаараан. Аԥсны ахада Сергеи Багаԥшь иҳәеит Аԥсны ахаангьы Венесуелеи егьырҭ Алатынтә Америка атәылақәа ҳазхарҵап ҳәа ишазыԥшыз.Аԥсны ахада Сергеи Багаԥшь Венесуела официалла даҭан 2010 шықәса рзы.2019 шықәса ажьырныҳәамзазы Аԥсны ахада Рауль Ҳаџьымба усуратә ныҟәарала Венесуела даҭааит. Аԥсны ахада ихы алаирхәит Венесуела ахада Николас Мадуро иҭоубашьҭаҵара. Уи адагьы аҩ-тәылак рхадацәа реиҿцәажәара азԥхьагәаҭан, ирылацәажәан Аԥсни Венесуелеи реизыҟазаашьақәа рҭагылазаашьеи ԥхьаҟатәи рыҿиашьеи ирыдҳәалоу азҵаарақәа.Венесуела ахԥатәи тәылахеит ҳхьыԥшымра азхазҵаз, Урыстәылеи Никарагуеи раамышьҭахь. Анаҩс Аԥсны ахьыԥшымра азхарҵеит Вануату, Науру, Тувалу, Шьамтәыла.
https://sputnik-abkhazia.info/20160909/1019467295.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Аԥсни Венесуелеи рдипломатцәа визада реиҭанеиааираз аиқәшаҳаҭра рыдыркылеит
Боливариантәи Ареспублика Венесуела Аԥсны ахьыԥшымра азханаҵеит цәыббра 10 2009 шықәсазы.
АҞӘА, нанҳәа 5 – Sputnik, Бадри Есиава. Аминистрцәа реилазаара Аԥсни Венесуелеи рдипломатцәа визада реиҭанеиааираз аиқәшаҳаҭра аднакылеит нанҳәа 5 азы имҩаԥысуаз аилацәажәараҿы.
"Ишәыдаагалоит ақәҵара "Боливариантәи Ареспублика Венесуелеи Аԥсны Аҳәынҭқарреи реиҳабырақәа рыбжьара адипломатиатәии амаҵзуратәии апаспортқәа змоу ахаҿқәа рзы авиза аҭахра аԥыхразы" апроект. Ари ақәҵара адгылара ашәҭарц сшәыҳәоит. Иара иалнаршоит визада 90 мшы атәылақәа рҵакыраҿы адипломатиатәии амаҵзуратәии паспортқәа змоу ахаҿқәа рыҟазаара", - иҳәеит Адәныҟатәи аусқәа рминистр Даур Ақаҩба.
Венесуела Аԥсни Аахыҵ Уаԥстәылеи рхьыԥшымра азханаҵеит цәыббра 10 2009 шықәса рзы Венесуела ахада Уго Чавес Москва иҟазаараан. Аԥсны ахада Сергеи Багаԥшь иҳәеит Аԥсны ахаангьы Венесуелеи егьырҭ Алатынтә Америка атәылақәа ҳазхарҵап ҳәа ишазыԥшыз.
Аԥсны ахада Сергеи Багаԥшь Венесуела официалла даҭан 2010 шықәса рзы.
2019 шықәса ажьырныҳәамзазы Аԥсны ахада Рауль Ҳаџьымба усуратә ныҟәарала Венесуела даҭааит. Аԥсны ахада ихы алаирхәит Венесуела ахада Николас Мадуро иҭоубашьҭаҵара. Уи адагьы аҩ-тәылак рхадацәа реиҿцәажәара азԥхьагәаҭан, ирылацәажәан Аԥсни Венесуелеи реизыҟазаашьақәа рҭагылазаашьеи ԥхьаҟатәи рыҿиашьеи ирыдҳәалоу азҵаарақәа.
Венесуела ахԥатәи тәылахеит ҳхьыԥшымра азхазҵаз, Урыстәылеи Никарагуеи раамышьҭахь. Анаҩс Аԥсны ахьыԥшымра азхарҵеит Вануату, Науру, Тувалу, Шьамтәыла.
