"Аибашьцәа адгылара раҳҭоит": Гагра иаатыз аинвалидцәа рфонд аҟәша иазкны

© Foto / Саида ЖибаРобик Отырбеи Едуард Каитани
Робик Отырбеи Едуард Каитани - Sputnik Аҧсны, 1920, 07.08.2021
Анапаҵаҩра
Мшаԥымзазы Гагра иаатит Аԥсны Аџьынџьтәылатәи еибашьра 1992-1993 шш. аинвалидцәа ибиуџьеттәым рфонд араионтә ҟәша. Ари аиҿкаара ахықәки, инарыгӡаз ауснагӡатәқәеи ртәы еиҭеиҳәеит афонд Гагратәи араионтә ҟәша анапхгаҩы, Леон иорден занашьоу Робик Оҭырба.
Саида Жьиԥҳа, Sputnik
Иахьазы, Гагра араион аҟны сиала изларбоу ала 369-ҩык аибашьра аинвалидцәа ыҟоуп. Урҭ рахьтә 1-тәи агәыԥ аинвалидрахь иаҵанакуеит 24-ҩык, 3-тәи агәыԥ ахь - 11-ҩык, егьырҭ зегьы 2-тәи агәыԥ аинвалидра рымоуп.
Аԥсны Аҳәынҭқарра Аџьынџьтәылатәи аибашьра 1992-1993 ш.ш. аинвалидцәа ибиуџьеттәым рфонд аԥҵан 2014 шықәсазы, Аҟәа, аха Гагра араион аҟны уи аҟәша сынтәа ауп ианаадырт.
Эрик Тортия - Sputnik Аҧсны, 1920, 14.09.2017
Торҭиа: аибашьра аинвалидцәа Аԥсны анҭыҵ рыхәшәтәра алҳаршоит
"Ҳара ҳфонд хықәкыс иамоуп аибашьра аинвалидцәа асоциалтә дгылара рыҭара. Гагра араион аҟны аибашьра аинвалидцәа хәыда-ԥсада ахәшәқәа ахьроуша аԥҭека ыҟамызт. Аҟәа ицаны иааргар акәын. Ахәшә 500 мааҭ иаԥсазар, ачымазаҩ имҩақьыра уи аҟара ақәырӡны хымԥада дызцаӡомызт, убри инамаданы ауадаҩрақәа маҷымкәа изызцәырҵуаз рацәаҩын", - иҳәоит афонд Гагратәи аҟәша аиҳабы Робик Оҭырба.
"Аԥсныфармациа" иатәу, аинвалидцәа хәыда-ԥсада ахәшәқәа ахьроуша аԥҭека аартуп Гагра, ареспубликатә агәабзиара чаԥарҭатә центр ахыбраҟны. Ачымазаҩ аҳақьым иҟынтә алыҩҩа аниоулак, афонд аҟны дааиуеит, араҟа иқьаад амҳәыр анаадырхлак ииҭаху ахәшәқәа игарц илшоит.
"Ҳара, аԥҭекаҿы ирымоу ахәшәқәа рсиа ҳаԥхьа иқәуп. Зынӡа 75 хкы ыҟоуп. Аинвалид асиаҿы иарбам ахәшә дадҵаалозар, егьырҭ аԥҭекақәа рҿы иахьыҟоу еилкааны даҳшьҭуеит, нас афонд аԥара ахнашәаауеит. Иазгәасҭарц сҭахуп, ҳара аԥара ҳнапаҿы ишаҳкым, уи абанк аҿы ишьҭоуп, зыхә ҳшәо амаҵзурақәа зегьы аиҿкаарақәа рыԥхьаӡарахь ииаҳгоит", - инаҵишьит Оҭырба.
Афонд, аинвалид протезла еиқәыршәара аус иахылаԥшуеит. Иахьазы хәыда-ԥсада Гагра, ортопедтә центр аҟны, анемец аалыҵқәа рыла ирзыҟарҵартә еиԥш алшара ыҟоуп. 17 миллион ахҭынҵаны, афонд апротез злырхуа аалыҵқәа Германиа иаанахәеит.
Геннадий Цвижба - Sputnik Аҧсны, 1920, 03.10.2018
Арадио
Ҵәыџьба: Гагра ахақәиҭтәра аиааира шаҳгоз агәра ҳнаргеит
Абласаркьа ныҟәызго ракәзаргьы, аҳақьым илыҩҩа ала ироуоит, аха уи макьаназы Аҟәа ауп иргарц ахьрылшо. Зхаԥыц ҟаӡҵарц зҭаху аинвалидцәа рзы 60 нызқь рҟынӡа аԥара рзоурыжьуеит. Ҩыџьара, Гагратәи ахәшәтәырҭа ахыбраҟныи, ареспубликатә агәабзиара чаԥарҭатә центри рҿы ахаԥыц ҳақьымцәа аибашьра аинвалидцәа рыдыркылоит. Аԥсны аҵакыраҿы ахәшәтәырҭа иҭало, ихатә ныхрақәа рзы зныктәи ацхыраара аҳасабала аинвалид абанк аҟны имоу аԥхьаӡарахь жәанызқь ииаргоит, атәыла анҭыҵ ицо рзы 30 нызқь амҩақьыразы.
Аԥсни Урыстәылеи амедицинатә усбарҭақәа рҿы аибашьра аинвалидцәа рыхәшәтәра хәыда-ԥсадоуп. Афонд уигьы ахахьы иагоит. Иара убас, аинвалидцәа Урыстәыла асанатортә-курорттә комплексқәа рахьгьы иршьҭуеит афонд амчала, рымҩақьыразгьы 30 нызқь нацҵаны.
"Аинвалидцәа рыхәшәтәразы, афонд, Урыстәылатәи амедицинатә усбарҭақәа рҿы ауал рацәаны иақәын, иҳаҩсыз ашықәс азы урҭ зегьы шәаны, ҩаԥхьа аԥсуа гани дареи русеицура хацаркхеит", - инаҵишьит Оҭырба.
Афонд, аибашьра аинвалидцәа рзы амедицинатә маҭәахәқәа раахәарагьы, иаҳҳәозар аинвалидтә колиаскақәа, ацәарҭақәа, ахчқәа уҳәа ахахьы иагоит. Аинвалид идунеи иԥсахыр, иԥсыжразы иҭаацәа 50 нызқь ирҭоит.
"Ԥшьымз ирылагӡаны 19-ҩык астационар аҿы ишьҭаз аибашьра аинвалидцәеи, ҩыџьа-ҩыџьа Аԥсни Урыстәылеи аоперациа ззыруази, хәҩык зхаԥыцқәа ҟарҵази ҳрыцхрааит. Ҩыџьа аинвалидцәа асанатортә-курорттә комплексқәа рахь иаҳшьҭит. Аӡәы изы аортопедтә цәарҭеи ахчи ааҳхәеит", - ҳәа азгәеиҭеит афонд Гагратәи аҟәша анапхгаҩы Робик Оҭырба.
Аԥсны Аџьынџьтәылатәи еибашьра 1992-1993 ш.ш. аинвалидцәа ибиуџьеттәым рфонд аҟәшақәа, атәыла араионқәа зегьы рҟны иаадыртит, аха Гагратәи ауп зегь раԥхьаӡа аусура иалагаз. Робик Оҭырба иажәақәа рыла, аҵыхәтәантәи ашықәсқәа рзы асиақәа рҿы ицәырҵуа иалагеит аибашьра адәаҟны акәымкәа ахәра зауз ауаа рыхьӡқәагьы. Убри инамаданы, агәрамгара рызцәырызго аинвалид иганахь аҭҵаарақәа мҩаԥыргоит, асиақәа еиҭарыхәаԥшуеит.
Нана Акаба - Sputnik Аҧсны, 1920, 06.10.2020
Арадио
Афырхацәа рымҩала: Акаԥҳа Гагра ахақәиҭтәра иазкны
Иахьа, афонд Гагратәи аҟәшаҿы аус руоит амаӡаныҟәгаҩ даламҵакәа ԥшьҩык. Анапхгаҩы ишаҳҳәаз еиԥш Робик Оҭырба иоуп. Иара аибашьраҿы ахәра иоуит, 2-тәи агәыԥ аинвалидра имоуп. Дахәҭакын Гәдоуҭатәи "Замостианка" захьӡыз агәыԥ, ианашьоуп Леон иорден. Афонд анапхгаҩы ихаҭыԥуаҩс дыҟоуп аибашьра аветеран, Леон иорден занашьоу, Гагратәи ахәбатәи ахысратә баталион иалахәылаз Едуард Ҟаитан. Афонд иазааԥсо дреиуоуп аинвалидцәа рыхәшәтәра иахылаԥшуа, аибашьра аветеран, агәыԥ "Ураган-Сатурн" иацны еибашьуаз, Леон иорден занашьоу, 2-тәи агәыԥ аинвалид Гела Уанаҿа. Ҷыдала Бзыԥҭа аҳаблаҟны инхо аибашьра аинвалидцәа рызҵаарақәа рыӡбаразы аҭакԥхықәра идуп аибашьра аветеран, Бзыԥҭатәи арота иалаз, 2-тәи агәыԥ аинвалид, Агәымшәаразы амедал занашьоу Адамыр (Кофка) Хагәышь.
Робик Оҭырба иҳәеит ҷыдала Пицундеи Цандрыԥшьи рхырхаҭақәа рҿы инхо аибашьра аинвалидцәа рхылаԥшразгьы аусуцәа шадырԥхьало. Апандемиа шаанҵәогьы, араион аҟны лассы-лассы аизарақәа шымҩаԥыргало
Ажәабжьқәа зегьы
0