Микрофон  - Sputnik Аҧсны, 1920
Арадио

Арџьениа Оҭар Лакрба изы: дыӷәӷәаӡа дсывагылан, абзиарагьы гәыкԥсыкала исыцеиҩишон

© Sputnik / Томас ТхайцукАрджения.
Арджения. - Sputnik Аҧсны, 1920, 07.08.2021
Анапаҵаҩра
Аԥсны зҽаԥсазтәыз ажурналист Енвер Арџьениа арадио Sputnik аефир аҿы иҳәеит шықәсырацәа аус ицызуаз, аиҩызара ицныҟәызгоз Оҭар Лакрба иҟам аамҭала ихцәажәара шицәыуадаҩу.
Арџьениа Оҭар Лакрба изы: дыӷәӷәаӡа дсывагылан, абзиарагьы гәыкԥсыкала исыцеиҩишон
Иахьа иҵыхәтәантәи имҩахь днаскьаргоит Аԥсны зҽаԥсазтәыз ажурналист Оҭар Лакрба. 63 шықәса дышҭагылаз иара иԥсҭазаара далҵит акоронавирустә чымазараҿкы анихьыз ашьҭахь.
Оҭар Лакрба Аԥсуа телехәаԥшраҟны аус иуан 30 шықәса инеиҳаны, "Аԥсны Аҳәынҭқарра зҽаԥсазтәыз ажурналист" ҳәа ахьӡ ихҵоуп, "Ахьӡ-Аԥша" аорден ахԥатәи аҩаӡара ианашьоуп.
Отар Лакрба - Sputnik Аҧсны, 1920, 05.08.2021
Иԥсҭазаара далҵит Аԥсны зҽаԥсазтәыз ажурналист Оҭар Лакрба
"Даара цәыӡ дууп ҳара ҳзы, аколлектив азы, иааидкылан ҳауаажәларразы. Сара уи аҩыза сазыԥшӡамызт, издыруан ахәышәтәырҭаҿы дшышьҭаз, хаҭала ҭелла знык-ҩынтә сыҽимаздеит, уамакгьы ацәажәара илшаӡомызт, аха ҳақәгәыӷуан деиқәхап ҳәа", - иҳәеит Арџьениа.
Енвер Арџьениа еиҭеиҳәеит ҷыдала иҩыза иҟазшьақәа иаҳа иаликаауаз.
"Оҭар ауниверситет данҭаз аахыс дыздыруан. Иара уцәгьараҿгьы дыӷәӷәаӡа дувагылан, абзиарагьы гәыкԥсыкала исыцеиҩишон. Сҩыза иакәын… Иара игәы иҭаз ианакәзаалакгьы иҿы иаирҳәон, аҟама еиԥш днаҳәы-ааҳәо дыҟамызт, ҷыдала убри азы пату иқәысҵон", - ҳәа иҳәеит Арџьениа.
Ажәабжьқәа зегьы
0