https://sputnik-abkhazia.info/20210809/Veriovkin-iaay-isyz-ikhaara-shayrgyloup-1033000597.html
Вериовкин иҳаԥаҿы иԥсыз ихаҭара шьақәыргылоуп
Вериовкин иҳаԥаҿы иԥсыз ихаҭара шьақәыргылоуп
Sputnik Аҧсны
Урыстәылатәи аспелеологцәа Аԥсны иҟоу Вериовкин иҳаԥаҿы ахаҵа иԥсыбаҩ рбеит 1100 метра алаҟәыраҿы. 09.08.2021, Sputnik Аҧсны
2021-08-09T10:08+0300
2021-08-09T10:08+0300
2021-08-09T16:17+0300
аԥсны
ажәабжьқәа
https://cdnn1.img.sputnik-abkhazia.info/img/103038/47/1030384768_0:320:3072:2048_1920x0_80_0_0_7b24cf7033d8d11d63c6c10e4fef2a17.jpg
АҞӘА, нанҳәа 9 – Sputnik, Бадраҟ Аҩӡба. Вериовкин иҳаԥаҿы иҭахаз урыстәылатәи атурист ихаҭара шьақәыргылоуп ҳәа Sputnik иазеиҭеиҳәеит Урыстәыла аспелеологцәа Реидгыла анапхгара алахәыла Евгени Снетков."Ҳара аԥшааратә еиҿкаара "Лиза Алерт" ҳҽадаҳҳәалеит, дара адырратә базақәа рыла аԥшаара мҩаԥыргеит. Алаҳәара рыԥшааит – шәачатәи Козеев Сергеи Игор-иԥа 2020 шықәса абҵарамзазы дыӡит ҳәа", - иҳәеит иара.Ихаҭара аилкаара иацхрааит аспелеологцәа ителефон ахьхаргалаз. Ателефон аҿы ианыз ифотосахьақәеи изышьҭаз ауаҩы ифотосахьақәеи еиқәшәеит."Иара 2020 шықәса абҵара 1 инаркны ихабар ыӡит. Иара мультитуристын, ашьхатә туризм инапы алакын. Аспелеологиаҿгьы ихы ԥишәарц иҭаххеит, аха иалихыз аҳаԥы ауадаҩрақәа аҵоуп", - иҳәеит Евгени Снетков.Уи адагьы аҳаԥы амаршрут ауадаҩреи имаз ахархәагақәа еиқәшәомызт."Аԥсыбаҩ шаабаз аиԥш иҟоуп. Ахагалара акыр иуадаҩуп. Аҳаԥы аҭымиҭшәарақәа рацәаны иамоуп, асакасала хагалашьак иман иаабом. Иҟоуп аҭыԥқәа ҩыџьа ауаа рыҟазаара азингьы ахьыҟам", - азгәеиҭеит Снетков.Аԥсыбаҩ аҭыгара шыуадаҩугьы, аспелеологцәа иҭыгара ауп ҳәа игәыӷуеит."Ҳара ҳтәқәа роума, аҳәаанырцәтәи ҳколлегацәа роума, асеиԥштәи аҭыԥ аҟынтәи аԥсыбаҩ ҭырымгац. Иҟоуп хатәгәаԥхаралатәи аиқәырхаратә отриадқәа. Аԥсны амчра азин ҟарҵеит аоперациа алагаразы. Аҩаша ма ахаша иԥаҳшәоит иҳалшо", - иҳәеит иара.Урыстәыла аспелеологцәа Реидгыла анапхгара алахәыла иҳәеит атурист иҭахашьа ҳәа иибо амзызқәа ҩба.Аԥсны иҟоу Вериовкин иҳаԥы адунеи аҿы реиҳа иҵаулоу ҳәа иԥхьаӡоуп. 2018 шықәсазы урыстәылатәи аспелеологцәа 2212 метра илбааит.
https://sputnik-abkhazia.info/20210805/Urystylati-aspeleologtsa-Verevkin-iaay-akhaa-isyba-rbeit-1032977836.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Вериовкин иҳаԥаҿы иԥсыз ихаҭара шьақәыргылоуп
10:08 09.08.2021 (ирҿыцуп: 16:17 09.08.2021) Урыстәылатәи аспелеологцәа Аԥсны иҟоу Вериовкин иҳаԥаҿы ахаҵа иԥсыбаҩ рбеит 1100 метра алаҟәыраҿы.
АҞӘА, нанҳәа 9 – Sputnik, Бадраҟ Аҩӡба. Вериовкин иҳаԥаҿы иҭахаз урыстәылатәи атурист ихаҭара шьақәыргылоуп ҳәа Sputnik иазеиҭеиҳәеит Урыстәыла аспелеологцәа Реидгыла анапхгара алахәыла Евгени Снетков.
"Ҳара аԥшааратә еиҿкаара "Лиза Алерт" ҳҽадаҳҳәалеит, дара адырратә базақәа рыла аԥшаара мҩаԥыргеит. Алаҳәара рыԥшааит – шәачатәи Козеев Сергеи Игор-иԥа 2020 шықәса абҵарамзазы дыӡит ҳәа", - иҳәеит иара.
Ихаҭара аилкаара иацхрааит аспелеологцәа ителефон ахьхаргалаз. Ателефон аҿы ианыз ифотосахьақәеи изышьҭаз ауаҩы ифотосахьақәеи еиқәшәеит.
"Иара 2020 шықәса абҵара 1 инаркны ихабар ыӡит. Иара мультитуристын, ашьхатә туризм инапы алакын. Аспелеологиаҿгьы ихы ԥишәарц иҭаххеит, аха иалихыз аҳаԥы ауадаҩрақәа аҵоуп", - иҳәеит Евгени Снетков.
Уи адагьы аҳаԥы амаршрут ауадаҩреи имаз ахархәагақәа еиқәшәомызт.
"Аԥсыбаҩ шаабаз аиԥш иҟоуп. Ахагалара акыр иуадаҩуп. Аҳаԥы аҭымиҭшәарақәа рацәаны иамоуп, асакасала хагалашьак иман иаабом. Иҟоуп аҭыԥқәа ҩыџьа ауаа рыҟазаара азингьы ахьыҟам", - азгәеиҭеит Снетков.
Аԥсыбаҩ аҭыгара шыуадаҩугьы, аспелеологцәа иҭыгара ауп ҳәа игәыӷуеит.
"Ҳара ҳтәқәа роума, аҳәаанырцәтәи ҳколлегацәа роума, асеиԥштәи аҭыԥ аҟынтәи аԥсыбаҩ ҭырымгац. Иҟоуп хатәгәаԥхаралатәи аиқәырхаратә отриадқәа. Аԥсны амчра азин ҟарҵеит аоперациа алагаразы. Аҩаша ма ахаша иԥаҳшәоит иҳалшо", - иҳәеит иара.
Урыстәыла аспелеологцәа Реидгыла анапхгара алахәыла иҳәеит атурист иҭахашьа ҳәа иибо амзызқәа ҩба.
"Иҟалоит даҿҟьаны ашаха дахәырзар. Ма иҟалоит иуадаҩыз аҭыԥ дзахымскәа данынха ахьҭа дакызар, избанзар аҳаԥаҿы аӡы хьшәашәа леиуеит. Иара ишәыз акомбинезон, ишьаз аботинкақәа аӡы рылсуан. Аҳаԥаҿы аԥхарра ҳәа иҟоу 3-4 градус роуп. Ауаҩы дбааӡазар, ирласны имчқәа каԥсоит", - иҳәеит Снетков.
Аԥсны иҟоу Вериовкин иҳаԥы адунеи аҿы реиҳа иҵаулоу ҳәа иԥхьаӡоуп. 2018 шықәсазы урыстәылатәи аспелеологцәа 2212 метра илбааит.
