Анқәаб: COVID-19 атема аполитика алхра аҭахӡам

© Sputnik / Томас ТхайцукАлександр Анкваб
Александр Анкваб  - Sputnik Аҧсны, 1920, 12.08.2021
Анапаҵаҩра
Акоординациатә штаб аилатәара мҩаԥган Аҟәа, нанҳәа 12 рзы.
АҞӘА, нанҳәа 12 – Sputnik, Бадраҟ Аҩӡба. COVID-19 атема аполитика алхра аҭахӡам, иҳәеит Аԥсны аԥыза-министр Александр Анқәаб Акоординациатә штаб аилатәараҿ.
"Аковид атема аполитикахь аиагара аҭахым ҳәа иаартны исҳәоит – иутәу иоума, иутәым иоума, политикатә партиоума, уаажәларратә еиҿкаароума дарбанызаалак аӡәгьы изы иахәҭаны иҟам. Блогерцәақәак абызкаҭаҳаиԥш Гәдоуҭатәи агоспиталь рҽакәдыршоит. Уа иҟоу абзиарақәа зегь дара ирылшамҭоушәа. Уи зылшамҭоу жәпаҩыла – ҳахьӡ шәымҳәан, ҳажәла шәымҳәан ҳәа аԥара назышьҭуа роуп. Анцәа иџьшьарала усеиԥш иҟоу ауаа ҳамоуп",- иҳәеит аԥыза-министр.
Аиҳабыра рхада иазгәеиҭеит ауаажәларратә ҭыԥқәа рҿы асабрадақәа ныҟәгалатәуп, ауаа рацәа злахәу ауснагӡатәқәа рыҟаҵара ахәҭам ҳәа.
Заседание опершатаба по защите от коронавируса  - Sputnik Аҧсны, 1920, 12.08.2021
Акоординациатә штаб аковид аԥырҟәҟәаразы ауснагӡатәқәа рӷәӷәатәуп ҳәа абжьгара ҟанаҵеит
"Иҟоуп аҿырԥштәы – чарак аҿы уаашәҩык ахьычмазҩхаз. Ари аҩыза ҟамларц азы ахада идҵа аҭахума? Ахада еснагь ари атема аинтерес имоуп", - иҳәеит Александр Анқәаб.
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 23303-ҩык ыҟоуп, ргәы бзиахеит 18906-ҩык, рыԥсҭазаара иалҵит 336-ҩык.
Нанҳәа 11 азы Гәдоуҭатәи агоспиталь аҿы алашара ацәара иахҟьаны СИПАП-терапиа ззымҩаԥыргоз ачымазаҩ иԥсҭазаара далҵит.
Нанҳәа 12 азы Акоординациатә штаб ахада иабжьнагеит ачымазара аԥырҟәҟәаразы аԥкрақәа ирӷәӷәарц.
Ажәабжьқәа зегьы
0