https://sputnik-abkhazia.info/20210903/Asni-Urystylei--arespublika-asotsial-ekonomikat-iara-aprogramma-aus-adyruyloit-1033146390.html
Аԥсни Урыстәылеи ҳтәыла асоциал-економикатә ҿиара апрограмма аус адырулоит
Аԥсни Урыстәылеи ҳтәыла асоциал-економикатә ҿиара апрограмма аус адырулоит
Sputnik Аҧсны
Аԥсны Аҳәынҭқарра Ахада Аслан Бжьаниа Аԥсныҟа усуратә визитла иааны иҟоу Урыстәылатәи Афедерациа аекономикатә ҿиара аминистр ихаҭыԥуаҩ Дмитри Вольвачи... 03.09.2021, Sputnik Аҧсны
2021-09-03T12:45+0300
2021-09-03T12:45+0300
2021-09-03T15:07+0300
аԥсны
ажәабжьқәа
https://cdnn1.img.sputnik-abkhazia.info/img/07e5/03/1d/1032110072_0:78:1500:922_1920x0_80_0_0_ea04161ce7c2debb19b70c629f681373.jpg
АҞӘА, цәыббра 3 - Sputnik. Аԥсны Аҳәынҭқарра 2022-2025 шықәсқәа рызтәи асоциал-економикатә ҿиара апрограмма аус адырулоит Аԥсны аминистрцәа реилазаареи Урыстәылатәи Афедерациа аекономикатә ҿиара аминистрреи иҳәеит аиԥылараҟны Аслан Бжьаниа. Абри атәы аанацҳауеит амаҵзура Аԥсныпресс. Ахада иҳәеит 2014 шықәса абҵарамзазы Аԥсни Урыстәылеи рхадацәа рнапы шаҵарҩыз аусеицуреи астратегиатә партниорреи рзы Аиқәшаҳаҭра. Инаҵшьны иазгәеиҭеит аиқәшаҳаҭра аҳәаақәа ирҭагӡаны ишахәҭоу иаку асоциал-економикатә ҿиара аҵакыра аԥҵара."Ҳекономика алшарақәа ртәы жәдыруеит. Урыстәыла ацхыраареи ҳинфраструктура аинвистициақәа ралагалареи ада ҳхәарҭам. Убри азы Аԥсны Аҳәынҭқарра 2022-2025 шықәсқәа рызтәи асоциал-економикатә ҿиара апрограмма аус адулатәуп. Апроект уажәы аус адырулоит Аԥсны аминистрцәа реилазаареи Урыстәылатәи Афедерациа аекономикатә ҿиара аминистрреи рҿы. Ҳара иҳауз аредакциа аҭҵаара ҳаҿуп", - ҳәа иҳәеит Бжьаниа.Атәыла ахада Урыстәылатәи Афедерациа аекономикатә ҿиара аминистрреи Аенергетика аминистрреи рделегациа ҭабуп ҳәа реиҳәеит Аԥсны иарҭо ацхырааразы, аха убри аан иазгәеиҭеит аекономикаҿы аиҭакрақәа рыҟаҵара шзалымшац.Ахада еиқәиԥхьаӡеит Аԥсны асоциал-економикатә ҿиара апрограмма иаҵанакуа: амҩатә инфраструктура аҿиара; аелектроенергетика; ӡыла аиқәыршәара; аҳаиртә баӷәаза аиҭашьақәыргылареи аусура аларгареи; аихамҩа; амшынтә еимадара; икьакьоу абзазаратә цәынхақәа рықәгара; ақьырсиан культура абаҟақәак реиҭашьақәыргылара; ашәахтә усхк иаҵанакуа азҵаарақәа; аҳәааҿы аусура арежим.Аԥсныҟа ҩымш ҳәа усуратә визитла иааны иҟоуп Урыстәылатәи Афедерациа аекономикатә ҿиара аминистрреи Аенергетика аминистрреи рделегациа.
https://sputnik-abkhazia.info/20210903/Bzhania-Urystyla-Aenergetikei-Aekonomikat-iarei-aministrraa-rkhaarnaktsa-idikyleit-1033146142.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Аԥсни Урыстәылеи ҳтәыла асоциал-економикатә ҿиара апрограмма аус адырулоит
12:45 03.09.2021 (ирҿыцуп: 15:07 03.09.2021) Аԥсны Аҳәынҭқарра Ахада Аслан Бжьаниа Аԥсныҟа усуратә визитла иааны иҟоу Урыстәылатәи Афедерациа аекономикатә ҿиара аминистр ихаҭыԥуаҩ Дмитри Вольвачи, Аенергетика аминистр ихаҭыԥуаҩ Евгени Грабчаки дырԥылеит.
АҞӘА, цәыббра 3 - Sputnik. Аԥсны Аҳәынҭқарра 2022-2025 шықәсқәа рызтәи асоциал-економикатә ҿиара апрограмма аус адырулоит Аԥсны аминистрцәа реилазаареи Урыстәылатәи Афедерациа аекономикатә ҿиара аминистрреи иҳәеит аиԥылараҟны Аслан Бжьаниа. Абри атәы аанацҳауеит амаҵзура Аԥсныпресс.
Ахада иҳәеит 2014 шықәса абҵарамзазы Аԥсни Урыстәылеи рхадацәа рнапы шаҵарҩыз аусеицуреи астратегиатә партниорреи рзы Аиқәшаҳаҭра. Инаҵшьны иазгәеиҭеит аиқәшаҳаҭра аҳәаақәа ирҭагӡаны ишахәҭоу иаку асоциал-економикатә ҿиара аҵакыра аԥҵара.
"Ҳекономика алшарақәа ртәы жәдыруеит. Урыстәыла ацхыраареи ҳинфраструктура аинвистициақәа ралагалареи ада ҳхәарҭам. Убри азы Аԥсны Аҳәынҭқарра 2022-2025 шықәсқәа рызтәи асоциал-економикатә ҿиара апрограмма аус адулатәуп. Апроект уажәы аус адырулоит Аԥсны аминистрцәа реилазаареи Урыстәылатәи Афедерациа аекономикатә ҿиара аминистрреи рҿы. Ҳара иҳауз аредакциа аҭҵаара ҳаҿуп", - ҳәа иҳәеит Бжьаниа.
Атәыла ахада Урыстәылатәи Афедерациа аекономикатә ҿиара аминистрреи Аенергетика аминистрреи рделегациа ҭабуп ҳәа реиҳәеит Аԥсны иарҭо ацхырааразы, аха убри аан иазгәеиҭеит аекономикаҿы аиҭакрақәа рыҟаҵара шзалымшац.
"Ирацәаҩуп аусурҭа змам рхыԥхьаӡара, илаҟәуп аулафахәы. Ари аҭагылазаашьа акы иазкылгатәуп", - иҳәеит Бжьаниа.
Ахада еиқәиԥхьаӡеит Аԥсны асоциал-економикатә ҿиара апрограмма иаҵанакуа: амҩатә инфраструктура аҿиара; аелектроенергетика; ӡыла аиқәыршәара; аҳаиртә баӷәаза аиҭашьақәыргылареи аусура аларгареи; аихамҩа; амшынтә еимадара; икьакьоу абзазаратә цәынхақәа рықәгара; ақьырсиан культура абаҟақәак реиҭашьақәыргылара; ашәахтә усхк иаҵанакуа азҵаарақәа; аҳәааҿы аусура арежим.
Аԥсныҟа ҩымш ҳәа усуратә визитла иааны иҟоуп Урыстәылатәи Афедерациа аекономикатә ҿиара аминистрреи Аенергетика аминистрреи рделегациа.
