https://sputnik-abkhazia.info/20210906/Aekonomika-aministrray-abylty-zyam-aty-ialatsazheit-1033160923.html
Аекономика аминистрраҿы абылтәы зыҟам атәы иалацәажәеит
Аекономика аминистрраҿы абылтәы зыҟам атәы иалацәажәеит
Sputnik Аҧсны
Цәыббра алагамҭазы Аԥсны абылтәы ҭаҭәарҭақәа рҿы агәаранқәа шьақәгыло иалагеит абылтәы аҟамзаара иахҟьаны. Ари аҩыза аҭагылазаашьа аҭыԥ аман нанҳәамзазгьы. 06.09.2021, Sputnik Аҧсны
2021-09-06T17:17+0300
2021-09-06T17:17+0300
2021-09-06T16:57+0300
аекономика
аԥсны
ажәабжьқәа
https://cdnn1.img.sputnik-abkhazia.info/img/07e5/09/06/1033159814_0:137:3072:1875_1920x0_80_0_0_dfce1006489a697c00e725de8b8c7aff.jpg
АҞӘА, цәыббра 6 – Sputnik, Асмаҭ Ҵәыџьԥҳа. Аԥсны абылтәы ҭаҭәарҭақәа рҿы абылтәы аҟамзаара Аҩада-Кавказтәи аихамҩаҿы адәыӷбақәа рырацәареи уи иахҟьаз аишьҭагылақәеи роуп изыдҳәалоу, лҳәеит Аекономика аминистр Кристина Озган цәыббра 6 азы имҩаԥысыз аилатәараҿы.Лара лажәақәа рыла аԥхынтәи аамҭазы аладатәи ахырхарҭахь идәықәҵаз адәыӷбақәа рхыԥхьаӡара иазҳаит 100 акк рыла ииасыз ашықәс иаҿырԥшны."Аихамҩа арҭ адәыӷбақәа аԥыжәара рыҭаны идәықәнаҵалароуп. Уи азоуп аидара мҩанызго авагонқәа агылара зрықәшәо. Уаанӡа абылтәы аагара 7-10 мшы ракәзар иаҭахыз, нанҳәамзазы уи ҩынтәны еиҳахеит. Аилахара иахҟьаны Аԥсныҟа иааргоз аидарақәа рыхәҭак Чечентәыла иалсны иаауа идәықәырҵеит. Нанҳәа 23 азы 140 вагон астанциақәа рҿы игылан", - лҳәеит аминистр.Ауадаҩрақәа рыӡбараз Урыстәыла аихамҩахь аҳәара ҟаҵан. Абри ашьҭахь, нанҳәа 23 азы Аԥсныҟа иааган 134 вагон, 7000 тонна абылтәы рыманы.Озган ишылҳәо ала 2021 шықәсазы абензин ахархәара акыр еиҳахеит. Аурыс-аԥсуа ҳәаа иахысыз атранспорт ахыԥхьаӡара иахьацлаз азы абензингьы 35-40 процент ахархәара еиҳахеит.Озган иара убасгьы иазгәалҭеит цәыббрамзазы ишхыркәшахо анефҭ аалыҵқәа аус ахьрыдыруло урыстәылатәи азауадқәа. Урыстәылатәи аџьармыкьаҿы абылтәы аҭагылазаашьа ҭышәынтәалар ахәқәагьы анырра рнаҭар алшоит.ИАЕ "АЗИД" адиректор хада Адамыр Габуниа иҳәеит аилахәыра ԥхынгәи нанҳәеи амзақәа рзы ахархәара шеиҳахо азгәаҭаны абылтәы аагара ишацырҵаз."Нанҳәазтәи аҭагылазаашьа иаҳнарбеит ҳашиашаз. Уи иалнаршеит аҭагылазаашьа амыруадаҩра. Ҳгәыӷуеит мышқәак рыла зегь ҭышәынтәалахап ҳәа. Иааго абылтәы ахышәаҵышәа ԥхьаҟагьы иацҵалатәхоит", - иҳәеит иара."Аԥсныаихамҩа" адиректор хада Арсоу Чыҭанаа иажәақәа рыла цәыббра 15 инаркны аихамҩа ҭацәхар абылтәы Аԥсныҟа аагара армариоит.
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аекономика, аԥсны, ажәабжьқәа
аекономика, аԥсны, ажәабжьқәа
Аекономика аминистрраҿы абылтәы зыҟам атәы иалацәажәеит
Цәыббра алагамҭазы Аԥсны абылтәы ҭаҭәарҭақәа рҿы агәаранқәа шьақәгыло иалагеит абылтәы аҟамзаара иахҟьаны. Ари аҩыза аҭагылазаашьа аҭыԥ аман нанҳәамзазгьы.
АҞӘА, цәыббра 6 – Sputnik, Асмаҭ Ҵәыџьԥҳа. Аԥсны абылтәы ҭаҭәарҭақәа рҿы абылтәы аҟамзаара Аҩада-Кавказтәи аихамҩаҿы адәыӷбақәа рырацәареи уи иахҟьаз аишьҭагылақәеи роуп изыдҳәалоу, лҳәеит Аекономика аминистр Кристина Озган цәыббра 6 азы имҩаԥысыз аилатәараҿы.
Лара лажәақәа рыла аԥхынтәи аамҭазы аладатәи ахырхарҭахь идәықәҵаз адәыӷбақәа рхыԥхьаӡара иазҳаит 100 акк рыла ииасыз ашықәс иаҿырԥшны.
"Аихамҩа арҭ адәыӷбақәа аԥыжәара рыҭаны идәықәнаҵалароуп. Уи азоуп аидара мҩанызго авагонқәа агылара зрықәшәо. Уаанӡа абылтәы аагара 7-10 мшы ракәзар иаҭахыз, нанҳәамзазы уи ҩынтәны еиҳахеит. Аилахара иахҟьаны Аԥсныҟа иааргоз аидарақәа рыхәҭак Чечентәыла иалсны иаауа идәықәырҵеит. Нанҳәа 23 азы 140 вагон астанциақәа рҿы игылан", - лҳәеит аминистр.
Ауадаҩрақәа рыӡбараз Урыстәыла аихамҩахь аҳәара ҟаҵан. Абри ашьҭахь, нанҳәа 23 азы Аԥсныҟа иааган 134 вагон, 7000 тонна абылтәы рыманы.
Озган ишылҳәо ала 2021 шықәсазы абензин ахархәара акыр еиҳахеит. Аурыс-аԥсуа ҳәаа иахысыз атранспорт ахыԥхьаӡара иахьацлаз азы абензингьы 35-40 процент ахархәара еиҳахеит.
"Цәыббра 1 азтәи арбагақәа рыла баџьдатәи ашықәстәи алагала аквота аамз рыла иаагоуп. Абри инадҳәаланы Урыстәыла аекономика аминистррахь аквота 40 000 тонна ацырҵарц ҳрыҳәеит. Ари аԥшьгамҭа адгылара арҭеит Аԥсны иҟаз Аекономикатә ҿиара аминистрра ахаҭарнакцәа. Хара имгакәа аквота еиҭаркраны иҟоуп. Аҭагылазаашьа мариам, аха мчыбжьык иуызхаша абензин аахәара аҭаххартә иҟам", - ҳәа лҳәеит аминистр.
Озган иара убасгьы иазгәалҭеит цәыббрамзазы ишхыркәшахо анефҭ аалыҵқәа аус ахьрыдыруло урыстәылатәи азауадқәа. Урыстәылатәи аџьармыкьаҿы абылтәы аҭагылазаашьа ҭышәынтәалар ахәқәагьы анырра рнаҭар алшоит.
ИАЕ "АЗИД" адиректор хада Адамыр Габуниа иҳәеит аилахәыра ԥхынгәи нанҳәеи амзақәа рзы ахархәара шеиҳахо азгәаҭаны абылтәы аагара ишацырҵаз.
"Нанҳәазтәи аҭагылазаашьа иаҳнарбеит ҳашиашаз. Уи иалнаршеит аҭагылазаашьа амыруадаҩра. Ҳгәыӷуеит мышқәак рыла зегь ҭышәынтәалахап ҳәа. Иааго абылтәы ахышәаҵышәа ԥхьаҟагьы иацҵалатәхоит", - иҳәеит иара.
"Аԥсныаихамҩа" адиректор хада Арсоу Чыҭанаа иажәақәа рыла цәыббра 15 инаркны аихамҩа ҭацәхар абылтәы Аԥсныҟа аагара армариоит.
