https://sputnik-abkhazia.info/20210910/Urystylati-aourykhdyry-Andranik-Migranian-AAU-astudenttsa-dyryleit-1033179991.html
Урыстәылатәи аҭоурыхдырыҩ Андраник Миграниан ААУ астудентцәа дырԥылеит
Урыстәылатәи аҭоурыхдырыҩ Андраник Миграниан ААУ астудентцәа дырԥылеит
Sputnik Аҧсны
Жәларбжьаратәи аизыҟазаашьақәа Москватәи аҳәынҭқарратә институт, аполитологиа акафедра апрофессор Андраник Миграниани астудентцәеи реиԥылара еиҿнакааит Аԥсны... 10.09.2021, Sputnik Аҧсны
2021-09-10T09:24+0300
2021-09-10T09:24+0300
2021-09-10T09:24+0300
аԥсны
ажәабжьқәа
https://cdnn1.img.sputnik-abkhazia.info/img/102477/37/1024773755_0:64:1280:788_1920x0_80_0_0_5a208830c72ea14b6ac99580cc928710.jpg
АҞӘА, цәыббра 10 – Sputnik, Асмаҭ Ҵәыџьԥҳа. Жәларбжьаратәи аизыҟазаашьақәа Москватәи аҳәынҭқарратә институт, аполитологиа акафедра апрофессор Андраник Миграниани ААУ астудентцәеи арҵаҩцәеи реиԥылара мҩаԥысит цәыббра 9 азы.Аиԥылара аҳәаақәа ирҭагӡаны аҭоурыхдырыҩ далацәажәеит жәларбжьаратәи аизыҟазаашьақәа рҟны Аԥсны инанагӡо ароль, атәыла аҿиара аԥеиԥшқәеи ауадаҩрақәеи ртәы.Миграниан игәаанагарала Аԥсны ахьыԥшымра аиуреи амилаҭтә ҳәынҭқарра ашьақәыргылареи афантастикатә ҟазшьа рымоуп. Аха убри аан, аамаҭқәак раԥхьа аҿиара иалагаз атәылақәа зегь реиԥш Аԥснгьы ахатә уадаҩрақәа амоуп."Аҳәынҭқарра ашьақәгылара ауадаҩрақәа азыӡбаӡом. Урҭ еиҳагьы ирацәахоит. Аполитикатә культура аҟамзаара иахҟьаны ицәырҵуеит аҩнуҵҟатәи аимакқәа, иарбан уара узҵахазаалак аҟны аӷа изы иааирахоит. Сгәы иаанагоит Аԥсны аполитикатә культура аҭыԥ амоуп ҳәа аха уи рҿиалатәуп. Атәыла ахадацәа уи аус нап шадыркыло алоуп ԥхьаҟагьы аҿиара шаиуа", - иҳәеит иара.Азал аҟынтәи иоуз азҵаара "Иҟалар алшома Урыстәылеи Қырҭтәылеи реизааигәара?" Миграниан иҟалом ҳәа ахиҳәааит."Қырҭтәыла агәра угартә еиԥш аҟалара залшом. Урыстәылазы ипатударахоит Аԥсны азхаҵара мап ацәкра. Ԥхьаҟа арҭ атәылақәа реизыҟазаашьа еиӷьхаргьы Аԥсны Қырҭтәыла иахәҭакны аҟаҵара залшом", - иҳәеит иара.Миграниан дахцәажәеит Қырҭтәылеи ЕААи реизыҟазаашьагьы.Жәларбжьаратәи аизыҟазаашьақәа Москватәи аҳәынҭқарратә институт, аполитологиа акафедра апрофессор Андраник Миграниан 2019 шықәсазы Аԥснытәи Аҳәынҭқарратә университет ҳаҭыр зқәу адоктор ҳәа ахьӡ ихҵан. А-90-тәи ашықәсқәа раан Миграниан аҳәамҭа ҟаиҵеит Урыстәыла Аԥсны азхаҵара дшадгылаҩ.
https://sputnik-abkhazia.info/20210807/Bzhania-Asni-Aakhy-Uastylei-rkhyshymraa-razkhaara-alshara-ytsa-aanartit-1032993777.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Урыстәылатәи аҭоурыхдырыҩ Андраник Миграниан ААУ астудентцәа дырԥылеит
Жәларбжьаратәи аизыҟазаашьақәа Москватәи аҳәынҭқарратә институт, аполитологиа акафедра апрофессор Андраник Миграниани астудентцәеи реиԥылара еиҿнакааит Аԥсны ажурналистцәа Реидгыла амедиаклуб "Формат-А3" адгыларала.
АҞӘА, цәыббра 10 – Sputnik, Асмаҭ Ҵәыџьԥҳа. Жәларбжьаратәи аизыҟазаашьақәа Москватәи аҳәынҭқарратә институт, аполитологиа акафедра апрофессор Андраник Миграниани ААУ астудентцәеи арҵаҩцәеи реиԥылара мҩаԥысит цәыббра 9 азы.
Аиԥылара аҳәаақәа ирҭагӡаны аҭоурыхдырыҩ далацәажәеит жәларбжьаратәи аизыҟазаашьақәа рҟны Аԥсны инанагӡо ароль, атәыла аҿиара аԥеиԥшқәеи ауадаҩрақәеи ртәы.
Миграниан игәаанагарала Аԥсны ахьыԥшымра аиуреи амилаҭтә ҳәынҭқарра ашьақәыргылареи афантастикатә ҟазшьа рымоуп. Аха убри аан, аамаҭқәак раԥхьа аҿиара иалагаз атәылақәа зегь реиԥш Аԥснгьы ахатә уадаҩрақәа амоуп.
"Аҳәынҭқарра ашьақәгылара ауадаҩрақәа азыӡбаӡом. Урҭ еиҳагьы ирацәахоит. Аполитикатә культура аҟамзаара иахҟьаны ицәырҵуеит аҩнуҵҟатәи аимакқәа, иарбан уара узҵахазаалак аҟны аӷа изы иааирахоит. Сгәы иаанагоит Аԥсны аполитикатә культура аҭыԥ амоуп ҳәа аха уи рҿиалатәуп. Атәыла ахадацәа уи аус нап шадыркыло алоуп ԥхьаҟагьы аҿиара шаиуа", - иҳәеит иара.
Азал аҟынтәи иоуз азҵаара "Иҟалар алшома Урыстәылеи Қырҭтәылеи реизааигәара?" Миграниан иҟалом ҳәа ахиҳәааит.
"Қырҭтәыла агәра угартә еиԥш аҟалара залшом. Урыстәылазы ипатударахоит Аԥсны азхаҵара мап ацәкра. Ԥхьаҟа арҭ атәылақәа реизыҟазаашьа еиӷьхаргьы Аԥсны Қырҭтәыла иахәҭакны аҟаҵара залшом", - иҳәеит иара.
Миграниан дахцәажәеит Қырҭтәылеи ЕААи реизыҟазаашьагьы.
"Қырҭтәылаа агәаанагара рымоуп америкаа дара рыда ԥсыхәа рымамшәа. 2008 шықәса иаҳнарбеит аӡәгьы дара рзы ар раашьҭра ргәы ишҭам. Қырҭтәыла ишаҭаху иҟаларц азы Урыстәыла уабашьыроуп. Уи аӡәгьы игәы иҭам", - ҳәа иҳәеит иара.
Жәларбжьаратәи аизыҟазаашьақәа Москватәи аҳәынҭқарратә институт, аполитологиа акафедра апрофессор Андраник Миграниан 2019 шықәсазы Аԥснытәи Аҳәынҭқарратә университет ҳаҭыр зқәу адоктор ҳәа ахьӡ ихҵан. А-90-тәи ашықәсқәа раан Миграниан аҳәамҭа ҟаиҵеит Урыстәыла Аԥсны азхаҵара дшадгылаҩ.
