Иахьа Урыстәыла Аҳәынҭқарратә Думахь хымштәи абжьыҭарақәа ирылагеит
10:10 17.09.2021 (ирҿыцуп: 10:33 17.09.2021)
© Sputnik / Виталий Аньков
/ Анапаҵаҩра
Урыстәыла атәылауаа Аҳәынҭқарратә Дума аилазаара ҿыц алырхыр ауп. Абжьыҭара алшоит Аԥсынгьы. Ареспубликаҿ иаадыртуеит абжьыҭарҭатә ҭыԥқәа жәба.
АҞӘА, цәыббра 17 - Sputnik. Урыстәыла арегионқәак рҿы, Москвагьы абрахь иналаҵаны алхырҭатә ҭыԥқәа аусура иалагеит ҳәа аанацҳауеит РИА Новости.
Алхрақәа мҩаԥысуеит хымш рыҩнуҵҟа: цәыббра 17-19. Атәылауаа иалырхуеит арегионалтәии аҭыԥантәии 39 парламент рахь адепутатцәеи арегионқәа жәба рхадацәеи. Алхырҭатә ҭыԥқәа аус руеит есыҽны асааҭ 8.00 - 20.00 рзы.
Абжьыҭаратә ҭыԥқәа москватәи аамҭала асааҭ 08:00 рзы иаадыртит Москва, уаанӡа – Урал, Поволжие арегионқәа, Мрагылара хара, Сибир, Свердловтәи, Тиументәи, Челиабинсктәи, Кургантәи, Оренбургтәи аобластқәа, Ханты-Мансисктәии Иамало-Ненецктәии автономтә округқәа, Башкириатәии Пермтәии атәылаҿацәқәа, Удмуртиа, Самара, Астрахан, Улиановск робластқәа рҿы.
Москва иаадыртуеит 3 486 алхратә ҭыԥ, урҭ рыҩнуҵҟа аковидтә госпитальқәа ԥшьба, адистанциатә електронтә бжьыҭарҭақәа хԥа. Убри аан арҭ аҭыԥқәа цәыббра 19 мацара азоуп ианаарту. Егьырҭ аҭыԥқәа зегьы хымш русура мҩаԥыргоит.
Зынӡа атәылаҿы иаадыртуеит 96 нызқь рҟынӡа алхырҭатә ҭыԥқәа. Рыбжьы арҭар рылшоит акоронавирус зыхьны "азона ҟаԥшь" аҿы ишьҭоу ачымазцәагьы.
Иара убас шәаԥхьар ҟалоит:
Урыстәыла Аҳәынҭқарратә Думахь алхрақәа раан Аԥсны абжьыҭаратә ҭыԥқәа жәба аадыртуеит
