Арадио
Лакәиаԥҳа афильм "Лара лоуп" азы: Аԥсны инхо аԥҳәыс лхаҿсахьа аарԥшра ҳхықәкын
15:00 17.09.2021 (ирҿыцуп: 15:01 17.09.2021)
42
© Foto / предоставлено Инессой Лакоя
Адокументалтә фильм "Лара лоуп" асценарист Инесса Лакәиаԥҳа арадио Sputnik аефир аҟны еиҭалҳәеит уи аԥҵара ахшыҩҵак лызцәырызгаз, иалахәу аҳәса шалылхыз.
Лакәиаԥҳа афильм "Лара лоуп" азы: Аԥсны инхо аԥҳәыс лхаҿсахьа ааҳарԥшра ҳхықәкын
Адокументалтә фильм "Лара лоуп" Аԥсны иқәынхо аҳәса ирызкуп. Иара ддырбараны иҟоуп акинофестиваль "SIFFA" аҿы. Акинофестиваль аҿы дырбаразы инашьҭыз 400 зыҳәа рҟынтәи иалхын аԥсуа ԥҳәыс илызку афильмгьы. Иара аӡыргара мҩаԥгахоит абҵара 5-9 рзы. Афильм иалахәуп Аԥсны инхо 63-ҩык аҳәса. Зегь иреиҳабу 99 шықәса лхыҵуеит, иреиҵбоу – 24 шықәса.
"Ҳара иҳамоуп еиуеиԥшым атемақәа. Анра атәы ааҳарԥшыр анаҳҭахыз иаҳдыруан хҩы-ԥшьҩы ахәыҷқәа змоу, убасгьы зхаҵа трагедиала иҭахаз даҳдыруан. Ацхыраара убасгьы иҳарҭон ҳҩызцәа, иҳарҳәон аинтерес зҵоу хаҭароуп ҳәа. Аҭыхрақәа анымҩаԥаҳгоз ҳҩыза Белла Агрԥҳа илҳәеит ишылгәаԥхаз, Шәача имҩаԥысуа акинофестиваль аицлабра ҳхы алаҳархәырц. Шәачаҟа иҳашьҭуа афильм 40 минуҭ иҟоуп. Аԥсны ԥхынҷкәынмзазы иӡырҳгар иаҳҭаху афильм сааҭки хәминуҭки иҟоуп", - лҳәеит Лакәиаԥҳа.
"Ҳара иҳамоуп еиуеиԥшым атемақәа. Анра атәы ааҳарԥшыр анаҳҭахыз иаҳдыруан хҩы-ԥшьҩы ахәыҷқәа змоу, убасгьы зхаҵа трагедиала иҭахаз даҳдыруан. Ацхыраара убасгьы иҳарҭон ҳҩызцәа, иҳарҳәон аинтерес зҵоу хаҭароуп ҳәа. Аҭыхрақәа анымҩаԥаҳгоз ҳҩыза Белла Агрԥҳа илҳәеит ишылгәаԥхаз, Шәача имҩаԥысуа акинофестиваль аицлабра ҳхы алаҳархәырц. Шәачаҟа иҳашьҭуа афильм 40 минуҭ иҟоуп. Аԥсны ԥхынҷкәынмзазы иӡырҳгар иаҳҭаху афильм сааҭки хәминуҭки иҟоуп", - лҳәеит Лакәиаԥҳа.
Иаҳа инарҭбааны аицәажәара шәаҳар шәылшоит аудиофаил аҟны.
