https://sputnik-abkhazia.info/20210921/Liudmila-Skorik-COVID-19-Asny-alara-ialageit-a-leit-1033250101.html

Лиудмила Скорик COVID-19 Аԥсны алаҟәра иалагеит ҳәа лҳәеит

Лиудмила Скорик COVID-19 Аԥсны алаҟәра иалагеит ҳәа лҳәеит

Sputnik Аҧсны

Аԥсны COVID-19 азы аҭагылазаашьеи иара ацәырҵра ҿыцқәа раԥырҟәҟәаареи дрылацәажәеит аԥыза-министр иԥылараан асанитартә ҳақьым хада. 21.09.2021, Sputnik Аҧсны

2021-09-21T12:10+0300

2021-09-21T12:10+0300

2021-09-21T12:18+0300

аԥсны

ажәабжьқәа

https://cdnn1.img.sputnik-abkhazia.info/img/07e5/09/0f/1033210027_0:0:3073:1728_1920x0_80_0_0_4a16770604c64f54479cb266eb7cc6bb.jpg

АҞӘА, цәыббра 21 - Sputnik. Аԥсны асанитартә ҳақьым хада Лиудмила Скорик аԥыза-министр Александр Анқәаб изеиҭалҳәеит акоронавирус азы ареспубликаҿ аҭагылазаашьа зеиԥшроу. Абри атәы аанацҳауеит аиҳабыра рсаит.Лара лажәақәа рыла, ачымазара арбага аҵыхәтәантәи аамҭазы илаҟәит (ԥхынгәымза иаҿырԥшны) 221 % рыла ҳәа.Аепидемиолог иазылыԥхьаӡоит уи алаҵаҟаҵареи аԥкыратә уснагӡатәқәеи ирыбзоуроуп ҳәа."Иахьа ачымазара маҷк илаҳашьҭит. Уи зыбзоуроу алаҵаҟаҵара, аԥкыратә уснагӡатәқәа, еиҳа ҭакԥхықәрала ахымҩаԥгара ауп", - лҳәеит Скорик.Лара иазгәалҭеит асанитартә-епедемиологиатә маҵзура аусзуҩцәеи Агәабзиарахьчара аминистрреи  аҵарашықәс ианалага инаркны ахәыҷқәа ачымазара шрыдырбало.20 мш рыҩнуҵҟа COVID-19 рыдбалоуп 246-ҩык ахәыҷқәа. Убри аан 2020 шықәса абри аамҭахҵәахаз 452-ҩык чмазцәан.Асанитартә маҵзура агәҽанҵара ҟанаҵоит ҭагалан-аӡын аамҭақәа рзы асезонтә ОРВИ, ОРЗ ралаҵәараан COVID-19 аламырҵәарагьы ахылаԥшра еиҳа ишырӷәӷәатәу."Ҽаамҭанык еиԥшымкәа ауааԥсыра еилыркаароуп амассатә уснагӡатәқәа рымҩаԥгара аҽацәхьакра шаҭаху", - лҳәеит Лиудмила Скорик.Аҵыхәтәантәи адыррақәа рыла, Аԥсны авирус рыдырбалахьеит 26828-ҩык, ргәы бзиахеит 22034-ҩык ауааԥсыра, рыԥсҭазаара иалҵит 405-ҩык.

https://sputnik-abkhazia.info/20210911/Asny-auaasyra--myzky-anuaa-2500-yk-inreiany-alaa-Sputnik-Layt-rylarakheit-1033189735.html

2021

Ажәабжьқәа

ab_AB

аԥсны, ажәабжьқәа