Путин афатәаалыҵтә ембарго иациҵеит Урыстәыла асанкциақәа адҟазҵалаз атәылақәа рахь

© Sputnik / Алексей Никольский / Амедиаҵәахырҭахь аиасраВидеообращение президента РФ В. Путина к выпускникам школ
Видеообращение президента РФ В. Путина к выпускникам школ - Sputnik Аҧсны, 1920, 21.09.2021
Анапаҵаҩра
Урыстәыла ахада аиҳабыра рнапы ианиҵеит абри аусдҵа анагӡаразы иахәҭаны иҟоу ауснагӡатәқәа мҩаԥыргарц.
АҞӘА, цәыббра 21 - Sputnik. Владимир Путин 2022 шықәсанӡа рыҿҳәара днахеит аекономикатә уснагӡатәқәа, Урыстәыла асанкциақәа иадҟарҵало рҭакс.
Абри азы аусдҵа кьыԥхьуп азинтә информациа аофициалтә интернет-портал аҿы ҳәа аанацҳауеит РИА Новости.
Здание Министерства иностранных дел РФ - Sputnik Аҧсны, 1920, 17.04.2021
Лавров: Урыстәылагьы Америка иаҿагылоу асанкциақәа аланагалоит
"Ажьырныҳәа 1 инаркны ԥхынҷкәын 31 рҟынӡа 2022 шықәса рзы хаз игоу аекономикатә уснагӡатәқәа мҩаԥгазааит Урыстәыла ахада нанҳәа 6, 2014 шықәсазы иусдҵа №560 "Урыстәылатәи Афедерациа ашәарҭадара аиқәыршәара ахықәкала хаз игоу аекономикатә уснагӡатәқәа рхархәаразы" инақәыршәаны", - аҳәоит адокумент аҿы.
Аиҳабыра рнапы ианҵоуп ркомпетенциа инақәыршәаны абри аусдҵа нарыгӡарц.
2014 шықәсазы Урыстәыла иааннакылеит ақыҭанхамҩа, аӡа, аалыҵ римпорт, асанкциа ҟазҵаз атәылақәа рҿынтәи. Арахь иаҵанакит акәац, аҭубар, аԥсыӡ, ауҭраҭых, ашәыр, ахшаалыҵ.
Асанкциақәа ыҟанаҵ Урыстәылагьы аԥкрақәа ирыцнаҵон.
Аԥхьанатә иаанкылан ЕАА, Европатәи аидгыла атәылақәа, Канада, Австралиа, Норвегиа иҭрыжьуа аалыҵ. Анаҩс, 2015 шықәсазы афатәаалыҵтә ембарго иаҵанакит: Албаниа, Черногориа, Исландиа, Лихтенштеин, 2016 шықәсазы – Украина, 2021 шықәсазы – Британиа Ду.
Ажәабжьқәа зегьы
0