https://sputnik-abkhazia.info/20210922/Afond-Ashana-Leon-ria-izy-aareizgara-khatsnarkit-1033261128.html
Афонд "Ашана" Леон Қриа изы аԥареизгара хацнаркит
Афонд "Ашана" Леон Қриа изы аԥареизгара хацнаркит
Sputnik Аҧсны
Леон Қриа-Ҭаниа ихәышәтәра изаамҭанытәиу акурс амҩаԥгаразы иаҭахны иҟоуп 250 000 мааҭ. 22.09.2021, Sputnik Аҧсны
2021-09-22T17:30+0300
2021-09-22T17:30+0300
2021-09-22T17:47+0300
ажәабжьқәа
аԥсны
https://cdnn1.img.sputnik-abkhazia.info/img/07e5/09/16/1033258088_0:0:2600:1472_1920x0_80_0_0_0b7dc66d56aa86819713d127dc5dff67.jpg
АҞӘА, цәыббра 22 – Sputnik, Бадраҟ Аҩӡба. Акультура-гәыҳалалратә фонд "Ашана" ирыланаҳәеит Леон Қриа-Ҭаниа ихәышәтәра изаамҭанытәиу акурс амҩаԥгаразы иаҭахны иҟоу аԥара аизгара шхацырку. Москватәи ахәышәтәырҭақәа руак аҿы Леон изықәдыргылеит адиагноз: "ахшыбаҩ адисфункциа маҷ"."Иахьа Леон Қриа-Ҭаниа изы аԥареизгара ҳалагеит. Ари аҭаацәара рзы фынтәуп аԥара еизаагоижьҭеи. Уаанӡатәи ҳаизгарақәа, Анцәа иџьшьарала, алҵшәа роуит. Леон ацәажәара далагеит, ашкол ахь дцеит, иҩызцәа еиҳа дырныруеит. Ихәышәтәра еиԥымҟьарц азы иаарласны аԥара еизгатәуп", - лҳәеит акультура-гәыҳалалратә фонд "Ашана" ахылаԥшратә хеилак ахантәаҩы Изольда Ҳагԥҳа.Леон Қриа-Ҭаниа ихәышәтәра изаамҭанытәиу акурс амҩаԥгаразы иаҭахны иҟоуп 250 000 мааҭ лҳәеит Ҳагԥҳа, ааԥхьарагьы ҟалҵеит ахәыҷы ацхыраара иҭазарц."Шәааи аҽазныкгьы ацхыраара ҟаҳҵап Леон иԥсҭазаара насыԥла иҭәырц", - лҳәеит лара.2018 шықәсазы Москватәи ахәышәтәырҭақәа руак аҿы Леон изықәдыргылеит адиагноз: "ахшыбаҩ адисфункциа маҷ". Усҟан иара ажәақәак ракәын ииҳәарц илшоз. Иан афонд ахь даннеи аԥареизгара хацыркхеит, ирыԥшааит амедицинатә центр."Ҳақәҿиарақәа бзиоуп. Ахәыҷы хәышықәса дцәажәомызт", - лҳәеит Леон иан Шьазина Қриаԥҳа.Афонд "Ашана" ацхыраарала Леон хә-курск дырхысхьеит. Игәабзиара еиҳа-еиҳа ишьақәгылоит.Леон дшьақәгыларц азы ихәышәтәра иацҵатәуп."Аҭҵаарақәа ахьымҩаԥыргоз москватәи ацентр аҿы иаҳзыԥшуп. Афбатәи акурс ҳахысроуп. Абҵара 29 рзы уа ҳаҟазароуп. Уаанӡа Бурденко иклиникахь ҳнеины анеирохирург иконсультациа ҳауроуп ", – лҳәеит лара.Леон бзиа ибоит аԥхьаӡара, аԥхьара. Иазыԥшуп 11-12 шықәса анихыҵуа ичымазара дацәцап ҳәа.Ацхыраара аҟаҵашьа мҩақәас иҟоу - афонд "Ашана" аофициалтә саит аҿы.
https://sputnik-abkhazia.info/20210913/Afond-Ashana-aatsei-Tooba-aikaatsei-eiyleit-1033199097.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны
Афонд "Ашана" Леон Қриа изы аԥареизгара хацнаркит
17:30 22.09.2021 (ирҿыцуп: 17:47 22.09.2021) Леон Қриа-Ҭаниа ихәышәтәра изаамҭанытәиу акурс амҩаԥгаразы иаҭахны иҟоуп 250 000 мааҭ.
АҞӘА, цәыббра 22 – Sputnik, Бадраҟ Аҩӡба. Акультура-гәыҳалалратә фонд "Ашана" ирыланаҳәеит Леон Қриа-Ҭаниа ихәышәтәра изаамҭанытәиу акурс амҩаԥгаразы иаҭахны иҟоу аԥара аизгара шхацырку. Москватәи ахәышәтәырҭақәа руак аҿы Леон изықәдыргылеит адиагноз: "ахшыбаҩ адисфункциа маҷ".
"Иахьа Леон Қриа-Ҭаниа изы аԥареизгара ҳалагеит. Ари аҭаацәара рзы фынтәуп аԥара еизаагоижьҭеи. Уаанӡатәи ҳаизгарақәа, Анцәа иџьшьарала, алҵшәа роуит. Леон ацәажәара далагеит, ашкол ахь дцеит, иҩызцәа еиҳа дырныруеит. Ихәышәтәра еиԥымҟьарц азы иаарласны аԥара еизгатәуп", - лҳәеит акультура-гәыҳалалратә фонд "Ашана" ахылаԥшратә хеилак ахантәаҩы Изольда Ҳагԥҳа.
Леон Қриа-Ҭаниа ихәышәтәра изаамҭанытәиу акурс амҩаԥгаразы иаҭахны иҟоуп 250 000 мааҭ лҳәеит Ҳагԥҳа, ааԥхьарагьы ҟалҵеит ахәыҷы ацхыраара иҭазарц.
"Шәааи аҽазныкгьы ацхыраара ҟаҳҵап Леон иԥсҭазаара насыԥла иҭәырц", - лҳәеит лара.
2018 шықәсазы Москватәи ахәышәтәырҭақәа руак аҿы Леон изықәдыргылеит адиагноз: "ахшыбаҩ адисфункциа маҷ". Усҟан иара ажәақәак ракәын ииҳәарц илшоз. Иан афонд ахь даннеи аԥареизгара хацыркхеит, ирыԥшааит амедицинатә центр.
"Ҳақәҿиарақәа бзиоуп. Ахәыҷы хәышықәса дцәажәомызт", - лҳәеит Леон иан Шьазина Қриаԥҳа.
Афонд "Ашана" ацхыраарала Леон хә-курск дырхысхьеит. Игәабзиара еиҳа-еиҳа ишьақәгылоит.
"Зегь раасҭа ихадароу ашкол ахь дцеит, иҩызцәа реиԥш ихы мҩаԥигоит. Ҳәарада, ацәажәараҿы деиҵахоит, аха аҳақьымцәа ражәақәа рыла 100% ихәышәтәра алшоит ҳәа", – лҳәеит Леон иан.
Леон дшьақәгыларц азы ихәышәтәра иацҵатәуп.
"Аҭҵаарақәа ахьымҩаԥыргоз москватәи ацентр аҿы иаҳзыԥшуп. Афбатәи акурс ҳахысроуп. Абҵара 29 рзы уа ҳаҟазароуп. Уаанӡа Бурденко иклиникахь ҳнеины анеирохирург иконсультациа ҳауроуп ", – лҳәеит лара.
Леон бзиа ибоит аԥхьаӡара, аԥхьара. Иазыԥшуп 11-12 шықәса анихыҵуа ичымазара дацәцап ҳәа.
Ацхыраара аҟаҵашьа мҩақәас иҟоу - афонд "Ашана" аофициалтә
саит аҿы.
