Гал араион асанитартә ҳақьым хада и.н.: Аԥсни Қырҭтәылеи рҳәааҿ аԥкрақәа рӷәӷәатәуп

© Sputnik / Марианна Кубрава Граница по реке Ингур
Граница по реке Ингур  - Sputnik Аҧсны, 1920, 24.09.2021
Аепидемиа ҵасижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27153-ҩык рҟынӡа инаӡеит, ргәы бзиахахьеит 22107-ҩык ауааԥсыра, рыԥсҭазаара иалҵит 410-ҩык.
АҞӘА, цәыббра 24 – Sputnik, Бадраҟ Аҩӡба. Аԥсни Қырҭтәылеи аҳәаа ахысра аусура рӷәӷәатәуп, иҳәеит Sputnik аинтервиу азҭаз Гал араион Асанитар-епидемиологиатә маҵзура аҳақьым хада Георги Қобалиа.
"Аҳәаа аадыртаанӡа ишыҟаз аиԥш иҟаҵатәуп: зықәра неихьоу, згәабзиара шьақәзыргыло мацара ахысуа. Аԥкрақәа аԥыхуижьҭеи акырҵуиет. Изҭаху дарбанызаалак азин изҭо адокумент имазар аҳәаа дахысуеит. Уахьтәи аган аҿы атест-ырццак ҟарҵоит", - иҳәоит иара.
Граница по реке Ингур  - Sputnik Аҧсны, 1920, 07.07.2021
Апандемиа иахҟьаны аԥсуа-ақырҭуа ҳәаа ахысразы иалагалаз аԥкрақәа дырԥсыҽит
Мышкы ахы-аҵыхәала аҳәаа наҟгьы-ааҟгьы иахысуа рхыԥхьаӡара зықьҩык иреиҵам, ҳәа азгәеиҭеит Қобалиа.
"Иаартуп асанитар-карантинтә пункт, асааҭ быжьба инаркны зежәынӡа. Ҩыџьа-ҩыџьала, аҳақьыми амедеҳәшьеи ҷаԥшьоит. Иахысуа рдокументқәа гәарҭоит. Атест аҭак рымамзар аҭыԥ аҿы иҟарҵоит. Уи ашьҭахь 72 сааҭ аус зуа адокумент рырҭоит", - ҳәа иҳәеит иара.
Гал араион аҿы аепидемиологиатә ҭагылазаашьа ҭышәынтәалоуп ҳәа ахиҳәааит. Иара убри аан, иагьеицәахом аха иагьеиӷьхом ҳәа азгәеиҭеит.
"Иреиҳау уадаҩраны иҳамоу аҳәаауп. Иҟоуп маӡала ахысра зҽазызшәо, иҟоуп аладатәи аҳәаала закәаншьаҭада ииасуа. Уи ачымазара алаҵәара иацхраауеит. Ачымазҩцәа абриаҟара ыҟоуп ҳәа сызҳәом, избанзар аҳақьымцәа рахь зхы цәырзымгогьы ыҟоуп", - иҳәеит иара.
Қобалиа иажәақәа рыла аҳәаа иахысуа зықьҩык рҟынтәи 600-700-ҩык рдокументқәа еиқәшәоуп.
"Иҟоуп мышкала ԥшьынтә-хәынтә аҳәаа иахысуа. Атест шырзымҩаԥгоу азы уахьтәи аган ма ҳара ҳган аҿы адокументқәа ргоит. Алаҵаҟаҵара акәзар ауаа ҳадҵаалоит, аха еиҳа игәцараркуазар бзиан", - иҳәеит Қобалиа.
Иара иазгәеиҭеит Гал араион ауааԥсыра еиҳарак изхәаԥшуа ақырҭуа телехәаԥшра шакәу. Уа урыстәылатәи алаҵа аҿагылара шарҭо. Убри азы агәрамгара аадырԥшуеит. Ирацәаҩуп Қырҭтәыла аҳәаанырцәтәи алаҵа ҟазҵаз. Уи ус шакәу иаарго адокументқәа ирныԥшуеит, ҳәа азгәеиҭеит Қобалиа.
Жәыргьыҭтәи араион аҟны мышкала 200-300-ҩык акоронавирус рыдырбалоит. Гал араион ауааԥсыра ракәзар реиҳараҩык уахь ауп иахьцо. Аԥсназы ари ашәарҭара ацуп.
"Уа ачымазара шьҭыркаауеит. Ирццаку атест-системақәа рыҩаӡара лаҟәуп. Сара аҭыԥ сымаӡам хымш ауаҩы игәаҭаразы аԥхьакырҭахь днасышьҭыртә еиԥш, ауаҩы доуҳажьуеит ашәҟәы ицуп ҳәа. Иара анахь-арахь днеиуеит, ачымазара алаирҵәоит", - иҳәеит иара.
Аҵыхәтәантәи аамаҭқәа рзы ҭаацәала аҿкчымазара ахьрымоу ыҟоуп. Урҭ ҳанрыҿцәажәоз еилаҳкааит Жәыргьыҭ ма Қарҭ ааигәа ишыҟаз, ҳәа иҳәеит Қобалиа.
Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа