https://sputnik-abkhazia.info/20211004/Asny-akhada-akhys-apolitikat-tsa-anyrymalarts-aakhara-aieit-1033344762.html
Аԥсны ахада ахҭыс аполитикатә цәа аҟәнырымҵаларц ааԥхьара ҟаиҵеит
Аԥсны ахада ахҭыс аполитикатә цәа аҟәнырымҵаларц ааԥхьара ҟаиҵеит
Sputnik Аҧсны
Жьҭаара 4 рзы Аԥсны ахада Аслан Бжьаниеи Аӡҩыбжьа ақыҭа ахаҭарнакцәеи аиԥылара рыман. 04.10.2021, Sputnik Аҧсны
2021-10-04T16:15+0300
2021-10-04T16:15+0300
2021-10-04T16:15+0300
цәыббра 30 ауха аҟәа иҟалаз ахысра
аԥсны
ажәабжьқәа
https://cdnn1.img.sputnik-abkhazia.info/img/07e5/0a/01/1033322504_0:160:3072:1888_1920x0_80_0_0_cb03d86ac33d56beecf1a517591b9cdd.jpg
АҞӘА, жьҭаара 4 - Sputnik. Аԥсны ахада Аслан Бжьаниа Аџьынџьтәылатә еибашьра аветеранцәеи, адепутати амилициа аусзуҩцәеи реимак угәы узырхьуа акоуп ҳәа ахиҳәааит, аха убри аан аполитикатә ҟазшьа аҭара аҭахымкәа ибоит. Абри атәы аанацҳауеит ахада ипресс-маҵзура.Бжьаниа иахьа Аӡҩыбжьа ақыҭауаа хәҩык идикылеит."Быжьҩык аветеранцәа пҟаны икажьны ацара цәаԥҽроуп. Ари аҩыза сара сыԥсадгьыл аҿы сазыԥшымызт", - иҳәеит аделегациа алахәыла, аибашьра аветеран Гиви Допуа.Иара иҳәеит аҭагылазаашьа еиуеиԥшым аполитикатә мчқәа рхы иадырхәо ишалагаз.Ахада иазгәеиҭеит аус аилкаара иаҿу апрокуратураа шракәу, аимак аҭышәныртәаларазы Дмитри Дбари егьырҭ ахҭыс алахәылацәеи аусҭҵаара мҩаԥысуанаҵы рнапынҵақәа рҟынтәи ихы ишақәиҭтәу. "Ганкахьала амаҵзурауаа гылоуп, егьи аганахьала адепутати аветеранцәеи гылоуп. Абри ахыбраҿы уаҩԥс дыҟам иҟалаз згәы иалам. Сара аҳәынҭқарратә усқәа рганахьала Москва сыҟан. Схынҳәны сааит. Ҳара иахьынӡауала аобиективтә ҭҵаара мҩаԥгатәны ҳахәаԥшуеит", - иҳәеит атәыла ахада.Бжьаниа иара убасгьы иҳәеит иара хадак иҳасаб ала ишәаны-изаны аус дазнеир шакәу, ауаа рымацара рыдагьы аҳәынҭқарратә институт дазхәыцыр шакәу, убри азы аҵыхәтәантәи акәаԥ зыргылаша апрокуратура шакәу.Апарламент адепутат Гарри Кокаиеи, Аӡҩыбжьа ақыҭантәи аибашьра аветеранцәеи, Аҩнуҵҟатәи аусқәа рминистр Дмитри Дбари инапаҵаҟа иҟаз ауааи рыбжьара аимак аҭыԥ аман цәыббра 30 ауха. Абри аганахь ала Апрокуратура хада аусҭҵаара иаҿуп.Цәыббра 30 ауха Апарламент адепутат Алмасхан Арӡынба Аԥсны ААР ахыбрахь днеины закәаншьаҭада имаз автомат "Калашников" ала ахысра деихсит, анаҩс аҭыԥ аҟынтәи дыбналеит ҳәа аанацҳаит Аԥсны ААР апресс-маҵзура.Аусҭҵаара мҩаԥысуанаҵы ахҭыс иалахәыз амилициа аусзуҩцәа аамҭала рмаҵурақәа рҟынтә рхы иақәиҭтәуп.Аԥсны ахада Аслан Бжьаниа Москва иусутә визит аанкыланы Аԥсныҟа дхынҳәит Аҟәа аԥшаҳәаҿы цәыббра 30 рзы иҟалаз аимак аҵыхәала. Иара иарку аилацәажәара мҩаԥигеит. Аԥсны аҩнуҵҟатәи аусқәа рминистр Дмитри Дбар атәыла ахада диҳәеит ахҭыс аҭҵаара иахьынӡаҿу имаҵураҟынтә ихы дақәиҭитәырц. Дбар агәыӷра ааирԥшит ахҭыс иалахәыз адепутатцәагьы убасҵәҟьа рхы мҩаԥыргап ҳәа.
https://sputnik-abkhazia.info/20211004/Aybzhati-aveterantsa-gyyki-Asny-akhadei-eiyleit-1033343175.html
Sputnik Аҧсны
media@sputniknews.com
+74956456601
MIA „Rosiya Segodnya“
2021
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
цәыббра 30 ауха аҟәа иҟалаз ахысра, аԥсны, ажәабжьқәа
цәыббра 30 ауха аҟәа иҟалаз ахысра, аԥсны, ажәабжьқәа
Аԥсны ахада ахҭыс аполитикатә цәа аҟәнырымҵаларц ааԥхьара ҟаиҵеит
Жьҭаара 4 рзы Аԥсны ахада Аслан Бжьаниеи Аӡҩыбжьа ақыҭа ахаҭарнакцәеи аиԥылара рыман.
АҞӘА, жьҭаара 4 - Sputnik. Аԥсны ахада Аслан Бжьаниа Аџьынџьтәылатә еибашьра аветеранцәеи, адепутати амилициа аусзуҩцәеи реимак угәы узырхьуа акоуп ҳәа ахиҳәааит, аха убри аан аполитикатә ҟазшьа аҭара аҭахымкәа ибоит. Абри атәы
аанацҳауеит ахада ипресс-маҵзура.
Бжьаниа иахьа Аӡҩыбжьа ақыҭауаа хәҩык идикылеит.
"Быжьҩык аветеранцәа пҟаны икажьны ацара цәаԥҽроуп. Ари аҩыза сара сыԥсадгьыл аҿы сазыԥшымызт", - иҳәеит аделегациа алахәыла, аибашьра аветеран Гиви Допуа.
Иара иҳәеит аҭагылазаашьа еиуеиԥшым аполитикатә мчқәа рхы иадырхәо ишалагаз.
Ахада иазгәеиҭеит аус аилкаара иаҿу апрокуратураа шракәу, аимак аҭышәныртәаларазы Дмитри Дбари егьырҭ ахҭыс алахәылацәеи аусҭҵаара мҩаԥысуанаҵы рнапынҵақәа рҟынтәи ихы ишақәиҭтәу.
"Ганкахьала амаҵзурауаа гылоуп, егьи аганахьала адепутати аветеранцәеи гылоуп. Абри ахыбраҿы уаҩԥс дыҟам иҟалаз згәы иалам. Сара аҳәынҭқарратә усқәа рганахьала Москва сыҟан. Схынҳәны сааит. Ҳара иахьынӡауала аобиективтә ҭҵаара мҩаԥгатәны ҳахәаԥшуеит", - иҳәеит атәыла ахада.
Бжьаниа иара убасгьы иҳәеит иара хадак иҳасаб ала ишәаны-изаны аус дазнеир шакәу, ауаа рымацара рыдагьы аҳәынҭқарратә институт дазхәыцыр шакәу, убри азы аҵыхәтәантәи акәаԥ зыргылаша апрокуратура шакәу.
"Апрокуратура алкаа ҟанаҵоит. Ҳаргьы уи аҳәаақәа ирҭагӡаны аӡбра ҳадаҳкылоит. Ари аҩыза аинститут аԥҵаны анапынҵа раҳҭеит. Сара азинтә мҩа ада аҽа мҩак сзанылом. Исҭахуп аиаша аиааира агар. Акомпетенттә усбарҭақәа рылкаақәа ҳарзыԥшып", - иҳәеит ахада.
Апарламент адепутат Гарри Кокаиеи, Аӡҩыбжьа ақыҭантәи аибашьра аветеранцәеи, Аҩнуҵҟатәи аусқәа рминистр Дмитри Дбари инапаҵаҟа иҟаз ауааи рыбжьара аимак аҭыԥ аман цәыббра 30 ауха. Абри аганахь ала Апрокуратура хада аусҭҵаара иаҿуп.
Цәыббра 30 ауха Апарламент адепутат Алмасхан Арӡынба Аԥсны ААР ахыбрахь днеины закәаншьаҭада имаз автомат "Калашников" ала ахысра деихсит, анаҩс аҭыԥ аҟынтәи дыбналеит ҳәа аанацҳаит Аԥсны ААР апресс-маҵзура.
Аусҭҵаара мҩаԥысуанаҵы ахҭыс иалахәыз амилициа аусзуҩцәа аамҭала рмаҵурақәа рҟынтә рхы иақәиҭтәуп.
Аԥсны ахада Аслан Бжьаниа Москва иусутә визит аанкыланы Аԥсныҟа дхынҳәит Аҟәа аԥшаҳәаҿы цәыббра 30 рзы иҟалаз аимак аҵыхәала. Иара иарку аилацәажәара мҩаԥигеит. Аԥсны аҩнуҵҟатәи аусқәа рминистр Дмитри Дбар атәыла ахада диҳәеит ахҭыс аҭҵаара иахьынӡаҿу имаҵураҟынтә ихы дақәиҭитәырц. Дбар агәыӷра ааирԥшит ахҭыс иалахәыз адепутатцәагьы убасҵәҟьа рхы мҩаԥыргап ҳәа.
