https://sputnik-abkhazia.info/20211006/Aanaa-aaraychtsa-Aa-aara-Amuzei-ay-askulptura-yts-tsyrueit-1033357264.html
Аҵанаа-аԥараӷьычцәа: Аҟәа аԥара Амузеи аҿы аскульптура ҿыц цәырҵуеит
Аҵанаа-аԥараӷьычцәа: Аҟәа аԥара Амузеи аҿы аскульптура ҿыц цәырҵуеит
Sputnik Аҧсны
Сынтәа лаҵарамзазы иаадыртыз Аԥсны абанк иатәу Аԥара амузеи аҿы 500 рҟынӡа експонат ыҟоуп. 06.10.2021, Sputnik Аҧсны
2021-10-06T09:20+0300
2021-10-06T09:20+0300
2021-10-06T08:45+0300
аԥсны
ажәабжьқәа
https://cdnn1.img.sputnik-abkhazia.info/img/07e5/0a/05/1033354144_0:132:1620:1043_1920x0_80_0_0_c50057cb4f47b3a075f7abb4f57984be.jpg
АҞӘА, жьҭаара 6 – Sputnik. Аҟәа, Аԥара амузеи аҿаԥхьа аӡыршә ҟалараны иҟоуп ҳәа радио Sputnik иазеиҭеиҳәеит апроект автор, асахьаҭыхыҩ, аскульптор Архип Лабахәуа.Ари атемала автор иакым иҩбам ирҿиамҭақәа. Иара иоуп изҟаҵамҭоу 2013 шықәсазы Аҵәахырҭатә банк аҿаԥхьа идыргылаз "Аҵани аԥараԥҟагеи"."Ари спонсортә проектым, амузеи аҿаҵоуп. Аӡыршә амузеи хԥаҟа метра иацәыхарахоит. Аҵанқәа акәмаан аҟынтә аԥара шырӷьычуа аныԥшуеит. Асиужет амузеи аҿы избеит. Аԥхьа ҩба-хԥа вариант сымазгьы зны амузеи саныныҩнала исҭахыз збеит", - ҳәа иҳәоит Лабахәуа.Амузеи аекспозициаҿы иара ибеит аԥараҿырп зҭаз антикатәи акәмаанԥҽыха."Адунеи амузеиқәа жәпакы рҿы ус ҟарҵоит, избанзар имаҷӡам акәмаанԥҽыхақәа ԥарала иҭәны ианырбало. Ажәытәан ус акәын аԥара шырҵәахуаз", - ҳәа еиҭеиҳәоит асахьаҭыхыҩ.Аӡыжәырҭа ӡыршә хиоуп уҳәар ауеит. Ақәыргылароуп иаанхаз. Мчыбжьык ҩымчыбжьа рыла ихыркәшахоит ҳәа иҳәоит аскульптор.Лаҵара 14 рзы Аҟәа иаадыртит Аԥара амузеи. 2019 шықәса алагамҭазы Аԥсны Амилаҭтә банк Аҟәа аԥара амузеи аргылара иалагеит. Амузеи аҿы ицәыргоуп Аԥсны аҭоурых еиуеиԥшым аамҭақәа ирыҵаркуа аԥсарқәа. Ара иубар алшоит Аҩадатәи Амшын еиқәа иаԥну аҭыԥқәа рыԥсарқәа, ҳлоготип акәзаргьы, ҳера ҟалаанӡатәи V - IV ашәышықәсақәа рызтәи аԥсар аверс ауп. Иара ҭыжьын Колхида иахьаҵанакуаз.Иара убасгьы амузеи аҿы иубар алшоит Византиа, Арабтә халифат, Османтәи аимпериа, Урыстәылатәи аимпериа рԥарақәа. Зынӡа хәышә рҟынӡа експонат ыҟоуп.Архип Зураб-иԥа Лабахәуа - асахьаҭыхыҩ, аскульптор, адизаинер. Лабахәуа - Аҟәа аԥшаҳәаҿы иқәгылоу Фазиль Искандер ифырхацәа Чики Никеи рыскульптурақәеи, "Апингвин – философи" , "Ҭаҷкәыми аҵани" дравторуп.Иара убасгьы инапкымҭоуп аскульптура "Аҵани аԥараԥҟагеи".
https://sputnik-abkhazia.info/20210514/Aa-iaadyrtit-aara-amuzei-1032417704.html
https://sputnik-abkhazia.info/20210611/Aa-ashaay-iyrgyloup-Arkhip-Labakhua-iusuma-yts-1032600721.html
Sputnik Аҧсны
media@sputniknews.com
+74956456601
MIA „Rosiya Segodnya“
2021
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
аԥсны, ажәабжьқәа
Аҵанаа-аԥараӷьычцәа: Аҟәа аԥара Амузеи аҿы аскульптура ҿыц цәырҵуеит
Сынтәа лаҵарамзазы иаадыртыз Аԥсны абанк иатәу Аԥара амузеи аҿы 500 рҟынӡа експонат ыҟоуп.
АҞӘА, жьҭаара 6 – Sputnik. Аҟәа, Аԥара амузеи аҿаԥхьа аӡыршә ҟалараны иҟоуп ҳәа радио Sputnik иазеиҭеиҳәеит апроект автор, асахьаҭыхыҩ, аскульптор Архип Лабахәуа.
Ари атемала автор иакым иҩбам ирҿиамҭақәа. Иара иоуп изҟаҵамҭоу 2013 шықәсазы Аҵәахырҭатә банк аҿаԥхьа идыргылаз "Аҵани аԥараԥҟагеи".
"Ари спонсортә проектым, амузеи аҿаҵоуп. Аӡыршә амузеи хԥаҟа метра иацәыхарахоит. Аҵанқәа акәмаан аҟынтә аԥара шырӷьычуа аныԥшуеит. Асиужет амузеи аҿы избеит. Аԥхьа ҩба-хԥа вариант сымазгьы зны амузеи саныныҩнала исҭахыз збеит", - ҳәа иҳәоит Лабахәуа.
Амузеи аекспозициаҿы иара ибеит аԥараҿырп зҭаз антикатәи акәмаанԥҽыха.
"Адунеи амузеиқәа жәпакы рҿы ус ҟарҵоит, избанзар имаҷӡам акәмаанԥҽыхақәа ԥарала иҭәны ианырбало. Ажәытәан ус акәын аԥара шырҵәахуаз", - ҳәа еиҭеиҳәоит асахьаҭыхыҩ.
Аӡыжәырҭа ӡыршә хиоуп уҳәар ауеит. Ақәыргылароуп иаанхаз. Мчыбжьык ҩымчыбжьа рыла ихыркәшахоит ҳәа иҳәоит аскульптор.
Лаҵара 14 рзы Аҟәа иаадыртит Аԥара амузеи. 2019 шықәса алагамҭазы Аԥсны Амилаҭтә банк Аҟәа аԥара амузеи аргылара иалагеит. Амузеи аҿы ицәыргоуп Аԥсны аҭоурых еиуеиԥшым аамҭақәа ирыҵаркуа аԥсарқәа. Ара иубар алшоит Аҩадатәи Амшын еиқәа иаԥну аҭыԥқәа рыԥсарқәа, ҳлоготип акәзаргьы, ҳера ҟалаанӡатәи V - IV ашәышықәсақәа рызтәи аԥсар аверс ауп. Иара ҭыжьын Колхида иахьаҵанакуаз.
Иара убасгьы амузеи аҿы иубар алшоит Византиа, Арабтә халифат, Османтәи аимпериа, Урыстәылатәи аимпериа рԥарақәа. Зынӡа хәышә рҟынӡа експонат ыҟоуп.
Архип Зураб-иԥа Лабахәуа - асахьаҭыхыҩ, аскульптор, адизаинер. Лабахәуа - Аҟәа аԥшаҳәаҿы иқәгылоу Фазиль Искандер ифырхацәа Чики Никеи рыскульптурақәеи, "Апингвин – философи" , "Ҭаҷкәыми аҵани" дравторуп.
Иара убасгьы инапкымҭоуп аскульптура "Аҵани аԥараԥҟагеи".
