Акоординациатә штаб Аԥсны иҟоу аковидтә ԥкрақәа ааныжьзарц ажәалагала ҟанаҵеит

© Sputnik / Томас ТхайцукБольница в городе Ткуарчал после ремонта
Больница в городе Ткуарчал после ремонта  - Sputnik Аҧсны, 1920, 15.10.2021
Анапаҵаҩра
Нанҳәа 13 ааахыс Аԥсны ахада Аслан Бжьаниа иусдҵала Аԥсны аковидҿагыларатә ԥкырақәа рыӷәӷәоуп.
АҞӘА, жьҭаара 15 - Sputnik. Аԥсны ауааԥсыра акоронавирус рацәыхьчаразы Акоординациатә штаб нанҳәа 13 раахыс Аԥсны ахада Аслан Бжьаниа иусԥҟала Аԥсны иҟоу аковидҿагыларатә ԥкрақәа ааныжьзарц ажәалагала ҟанаҵеит. Абри азы аҳәамҭа ҟаиҵеит аԥыза-министр Александр Анқәаб.
"Атәыла ахада иусԥҟа амч амоуп. Ауааԥсыра рахь аҳәара ҟаҳҵоит алаҵаҟаҵареи адисциплинеи рыда ԥсыхәа шыҟам еилыркаарц. Шәхы шәыхьча, ишәзааигәоу, ахәыҷқәа, абыргцәа шәыхьча. Ақалақьқәа, араионқәа, ақыҭақәа рхадацәа азхьаҳарԥшуеит ауаа рацәа реизара алдмыршарц", - иҳәеит Анқәаб.
Аиҳабыра рхада алаҵаҟаҵара атемагьы дазааҭгылеит.
"Сгәы иаанагоит хатәгәаԥхаралатәии мчылатәии алаҵаҟаҵара амҩала ҳцароуп ҳәа. Алаҵа хра амам ҳәа ирыладырҵәо ажәабжьқәа ҵаҵӷәык рыманы иҟам. Аҭагылазаашьа хьанҭоуп. Амедусзуҩцәа ирыцхраатәуп акоронавирус аиааиразы", - иҳәеит Анқәаб.
Аԥсны ауааԥсыра акоронавирус рацәыхьчаразы Акоординациатә штаб аилатәара мҩаԥысит жьҭаара 15 азы.
Заседание Координационного штаба  - Sputnik Аҧсны, 1920, 15.10.2021
Анқәаб акоронавирус азы аҭагылазаашьа агәҭынчымра цәырнагоит иҳәеит
Ажәабжьқәа зегьы
0