Аԥснытәи амедусҳәарҭақәа рҿы иҟоу аҵәыҵәри 30 тонна еиҳауп

© Sputnik / Томас ТхайцукГудаутская ЦРБ
Гудаутская ЦРБ - Sputnik Аҧсны, 1920, 21.10.2021
Анапаҵаҩра
НовостиTelegram
Аԥсны акоронавирус рымоуп ҳәа ишьақәдыргылахьоу рхыԥхьаӡара 30 000 еиҳауп. Уажәазы ареспублика амедусҳәарҭақәа рҿы ахәшәтәра иахысуеит 300-ҩык.
АҞӘА, жьҭаара 21 - Sputnik. Аԥснытәи амедусҳәарҭақәа рҿы иҟоу аҵәыҵәри 30 тонна еиҳауп, абри атәы ҳәан Аԥсуа телехәаԥшра аефир аҿы.
Агәабзиарахьчара аминистрра атранспорт, аргылара, аиқәыршәара Русбарҭа аиҳабы Роланд Гамисониа иҳәеит уажәы Аҟәатәи афизико-техникатә институт аҿы ишышьҭоу 20 тонна аҵәыҵәри, Гәдоуҭатәи аковид-центр аҿы - 10 тоннак. Ауадаҩрақәа ыҟоуп Аҟәатәи араионтә станциаҿы, аха уи аҭагылазаашьа азеиԥш ҭагылазаашьа ианыԥшӡом.
"Гәдоуҭа 10 тоннак аҵәыҵәри рымоуп. Ари 1000 баллон ыҟоуп. Хара имгакәа еиҭах Урыстәылатәи Афедерациаҟынтә иааргараны иҟоуп. Аиҭашьақәыргыларатә станциаҿы уажәы аусурақәа ирҿуп. Агрегатк аус ауӡом. Очамчыратәи ахәшәтәырҭаҿы 50 баллон ыҟоуп, Тҟәарчал - 10, Гагра - 50 баллон. Иахьазы зехьынџьара аизхара ҳамоуп", - иҳәеит Гамисониа.
Аҵәыҵәри азхоит арратә мобилтә госпиталь аҿгьы.
Белые таблетки в бутыльке - Sputnik Аҧсны, 1920, 16.10.2021
Агәабзиарахьчара аминистрра COVID-19 ахәшәтәразы иҭаҵәахыу ахәшәқәа ртәы ирзааҭгылеит
Агәабзиарахьчара аминистр Едуард Быҭәба еиҭеиҳәеит аҵәыҵәри Аԥсныҟа аагараан иҟоу ауадаҩрақәа ртәы. Иара иажәақәа рыла Урыстәыла ачымазара аҽахьарцәгьаз азы аиура уадаҩхеит.
"Урыстәылатәи Афедерациаҿы иҟоу ауадаҩрақәа ирныԥшуеит арахь аҵәыҵәри аиуреи аагареи. Аҵыхәтәаны Азовынтә иаагеит. Краснодар уа иахьазымхо азы мап ҳцәыркит, Новороссискгьы убас", - иҳәеит иара.
Аминистр иазгәеиҭеит ԥхьаҟагьы ари азҵаара аус шадыруыло.
Ажәабжьқәа зегьы
0